Prezident Vieniesueły Uha Čavies niečakana zajaviŭ u subotu, što znoŭ lacić na Kubu, kab praciahnuć kurs lačeńnia suprać raka, paviedamlaje Reuters.
Tolki ŭ kancy minułaha tydnia Čavies viarnuŭsia z Havany, i mnohija prychilniki kiraŭnika dziaržavy spadziavalisia, što jon aktyŭna ŭklučycca ŭ prezidenckuju honku. Adnak apošnija padziei staviać pad pytańnie stupień intensiŭnaści ŭdziełu Čaviesa ŭ pieradvybarčaj baraćbie.
Prezident Vieniesueły śćviardžaje, što jamu treba prajści ŭ Havanie kurs radyjoterapii.
Tydzień tamu Čavies viarnuŭsia ŭ Karakas paśla trochtydniovaha kursu lačeńnia na Kubie, jaki ŭklučaŭ u siabie vydaleńnie złajakasnaj puchliny. «Ja pamaliŭsia… u bitvie za žyćcio. My budziem žyć, i my pieramožam, — cytuje Čaviesa Associated Press. — Ja budu žyć. My praciahniem žyć i praciahniem pieraadolvać vykliki, jakija kidaje žyćcio».
U siaredzinie minułaha hoda prezidentu Vieniesueły taksama spatrebiłasia vydalać rakavyja kletki.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary