Прэзідэнт Венесуэлы Уга Чавес нечакана заявіў у суботу, што зноў ляціць на Кубу, каб працягнуць курс лячэння супраць рака, паведамляе Reuters.
Толькі ў канцы мінулага тыдня Чавес вярнуўся з Гаваны, і многія прыхільнікі кіраўніка дзяржавы спадзяваліся, што ён актыўна ўключыцца ў прэзідэнцкую гонку. Аднак апошнія падзеі ставяць пад пытанне ступень інтэнсіўнасці ўдзелу Чавеса ў перадвыбарчай барацьбе.
Прэзідэнт Венесуэлы сцвярджае, што яму трэба прайсці ў Гаване курс радыётэрапіі.
Тыдзень таму Чавес вярнуўся ў Каракас пасля трохтыднёвага курсу лячэння на Кубе, які ўключаў у сябе выдаленне злаякаснай пухліны. «Я памаліўся… у бітве за жыццё. Мы будзем жыць, і мы пераможам, — цытуе Чавеса Associated Press. — Я буду жыць. Мы працягнем жыць і працягнем пераадольваць выклікі, якія кідае жыццё».
У сярэдзіне мінулага года прэзідэнту Венесуэлы таксама спатрэбілася выдаляць ракавыя клеткі.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары