Arhanizatary Dnia Voli zapłaciać haradskim słužbam piać miljonaŭ rubloŭ, a nie dvanaccać
Pa ŭdakładnienaj infarmacyi, arhanizatary Dnia Voli pavinny zapłacić roznych haradskim słužbam Minska kala piaci miljonaŭ rubloŭ, a nie 12 młn., jak mierkavałasia raniej.Pra heta paviedamiŭ pradstaŭnik arhkamiteta pa praviadzieńni akcyi Viktar Ivaškievič.
«Sprava ŭ tym, što
my spačatku nie zaklučyli damovu z pradpryjemstvam «Zielanbud». Zaraz zaklučać jaho niama sensu, bo my sami ŭsio prybrali za saboj. Tamu hrošy ŭdałosia aščadzić.Akramia taho, niekatoryja słužby vystavili krychu mienšyja rachunki, čym prybliznaja suma, pra jakuju havaryłasia raniej «, — skazaŭ jon.
Ivaškievič paviedamiŭ, što adbyłosia pasiadžeńnie arhkamiteta pa śviatkavańni Dnia Voli. «My padzialili ŭsie vydatki na kolkaść udzielnikaŭ arhkamiteta, vyjšła nie tak užo šmat», — skazaŭ jon.
U adpaviednaści ź biełaruskim zakanadaŭstvam arhanizatary vuličnaj akcyi pavinny apłacić pasłuhi pa achovie hramadskaha paradku, a taksama vydatki, źviazanyja ź miedycynskim absłuhoŭvańniem i ŭborkaj terytoryi.Rašeńnie ab sumie pasłuh i vydatkaŭ prymajucca miascovymi vykanaŭčymi i rasparadčymi orhanami, na terytoryi jakich pravodziłasia masavaje mierapryjemstva.
Kamientary