Bialacki staŭ łaŭreatam premii Narviežskaha sajuza piśmieńnikaŭ «Za svabodu słova»
Vice-prezident Mižnarodnaj fiederacyi pravoŭ čałavieka, kiraŭnik zakrytaha ŭładami pravaabarončaha centra «Viasna» Aleś Bialacki staŭ łaŭreatam premii Narviežskaha sajuza piśmieńnikaŭ «Za svabodu słova».
Dypłom «Za svabodu słova» ŭručajecca za «asablivy ŭniosak u abaronu svabody słova i talerantnaści». Siarod łaŭreataŭ hetaj uznaharody ŭ papiarednija hady byli rasijskaja žurnalistka Hanna Palitkoŭskaja, Amos Oz ź Izraila, Davit Jazep z Erytrei i inšyja viadomyja asoby, jakija vyznačylisia svajoj baraćboj za adstojvańnie prava na vykazvańnie mierkavańnia ŭ svaich krainach.
Jak raskazała žonka Bialackaha Natalla Pinčuk, uručeńnie dypłoma adbyłosia 25 sakavika ŭ Osła ŭ miežach źjezda sajuza piśmieńnikaŭ Narviehii. «Za Alesia dypłom atrymała ja. Heta było davoli niečakana, ja nie rychtavałasia da takoj cyrymonii. Dumaju, dla jaho heta budzie siurpryzam», — adznačyła Natalla.
* * *
Nahadajem, u listapadzie minułaha hoda sud Pieršamajskaha rajona Minska pryznaŭ Alesia Bialackaha vinavatym va ŭtojvańni dachodaŭ u asabliva bujnym pamiery i pryhavaryŭ jaho da čatyroch z pałovaj hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Padstavaj dla kryminalnaha pieraśledu pravaabaroncy stała najaŭnaść u jaho zamiežnych rachunkaŭ u bankach Litvy i Polščy. Hetyja hrošy vykarystoŭvalisia dla pravaabarončaj dziejnaści. Adkryć rachunki ŭ Biełarusi nie ŭjaŭlałasia mahčymym, bo centr «Viasna» pracuje nielehalna — ułady nieadnarazova admaŭlali ŭ aficyjnaj rehistracyi arhanizacyi.
Mižnarodnaja demakratyčnaja hramadskaść, kiraŭnictva Jeŭrasajuza, ZŠA i šerahu inšych krain ličać Bialackaha palitźniavolenym i patrabujuć jaho vyzvaleńnia. Parłamientaryi 27 krain — členaŭ Rady Jeŭropy padtrymali vyłučeńnie kandydatury Alesia Bialackaha na suiskańnie Nobieleŭskaj premii miru.
Ciapier Aleś Bialacki utrymlivajecca ŭ papraŭčaj kałonii № 2 u Babrujsku.
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3535
Kamientary