Novych atrakcyjonaŭ da adkryćcia siezona-2012 u parkach nie ŭstanaŭlivali.
U minskich parkach 14 krasavika adkryŭsia siezon pracy atrakcyjonaŭ.
Jak paviedamili na UP "Haradskija parki Minskzielanbudu",
15 krasavika ŭ dvuch centralnych parkach stalicy budzie arhanizavana śviatočnaja kancertnaja prahrama: u parku imia Maksima Horkaha jana projdzie z 14.00 da 16.00, u parku Čaluskincaŭ — z 15.00 da 16.00.
Zhodna z raskładam atrakcyjony ŭ hetych dvuch parkach buduć pracavać pa nastupnym hrafiku:
paniadziełak — z 15.00 do 21.00;
aŭtorak, sierada, čaćvier, niadziela — z 11.00 da 21.00;
piatnica, subota, śviatočnyja i pieradśviatočnyja dni — z 11.00 da 22.00;
dziciačyja atrakcyjony pracujuć z 11.00 da 21.00.
Atrakcyjony ŭ parku kultury i adpačynku imia 50-hoddździa Kastryčnika, jaki raźmieščany ŭ Zavodskim rajonie pamiž vulicaj Daŭhabrodskaj i Partyzanskim praśpiektam, u paniadziełak i niadzielu pracujuć z 12.00 da 20.00.
Novych atrakcyjonaŭ da adkryćcia siezona-2012 u minskich parkach nie ŭstanaŭlivali, adnak nie vyklučana, što da kanca hoda ŭ parku Čaluskincaŭ usio ž źjaviacca dva novyja atrakcyjony.
Usiaho ŭ čatyroch parkach, padparadkavanych "Minskzielanbudu", — imia Horkaha, Čaluskincaŭ, imia 50-hodździa Kastryčnika i 900-hodździa Minska (na Čyžoŭskim vadaschoviščy), — pracujuć kala 40 atrakcyjonaŭ dla dziaciej i darosłych.
Kamientary