Abhaniaŭ pa pravaj? Na MKAD raźbiŭsia «BMV», dva azierbajdžancy zahinuli, na miesca avaryi źjechałasia 200 ich suajčyńnikaŭ
29 krasavika, paśla 21-j hadziny, na 48-m kiłamietry MKAD (pamiž vyjezdami na Daŭhinaŭski i Łahojski trakty) raźbiŭsia «BMV-5-Series», jon urezaŭsia ŭ słup, dva čałavieki zahinuli na miescy zdareńnia», - paviedamiŭ pamočnik načalnika haradskoha ŭpraŭleńnia MNS Vital Demboŭski.
Ad udaru słup złamaŭsia ŭ dźviuch miescach, a aŭtamabil pieratvaryŭsia ŭ kavałak biasformienaha mietału.
Vyžyć u tych, chto znachodziŭsia ŭ mašynie, šancaŭ nie było. Pa infarmacyi MNS, dvoje mužčyn pamierli na miescy zdareńnia.
Pa dadzienych pres-słužby UDAI MUS, za rulom BMW 525 znachodziŭsia mužčyna 1969 h.n. Na pasažyrskim siadzieńni jechaŭ małady čałaviek 1983 h.n. Inśpiektary raspaviali: «Kiroŭca — minčanin, u jaho pravy katehoryj AM, B, C. Pasažyr — hramadzianin Azierbajdžana, u jaho była rehistracyja da 7 vieraśnia hetaha hoda».
Jak paviedamiŭ telekanał «Biełaruś-1», praź niekalki chvilin da miesca zdareńnia pryjechała kala 50 mašyn z pradstaŭnikami azierbajdžanskaj dyjaspary. Dla padtrymańnia paradku byŭ vyklikany milicejski śpiecnaz.
Jak pišuć śviedki na forumie Onliner, avaryja stała vynikam krajnie ryzykoŭnaha manieŭru. «Hanialisia ź niejkim «Volva» jašče ad «Ekspabieła», apieradžeńnie pa ŭzbočynie było nie ŭdałym». Mašynu zaniesła i kinuła na słup.
Voś što napisaŭ jašče adzin vidavočca, jaki paźniej vykłaŭ videa z rehistratara. «Byŭ samym blizkim vidavočcam, BMV tarmaziła pierad maim bampieram. Hnali z Volva, numar jość na rehistratary. Paźniej vykładu zapis, tam jość zapis śvistu tarmazoŭ i ŭdaru ŭ słup. Volva išła pa krajniaj levaj, BMV pa pravaj. BMV sprabavaŭ pierajści z pravaha šerahu ŭ levy, potym zrazumieŭ, što nie paśpiavaje pierad Volva, vyrašyŭ syści ŭ centralny šerah, ale tam jechaŭ ja. U sałonnaje lusterka bačyŭ, jak BMV vilnuŭ chvastom i potym pajšoŭ naprava. Hłuchi ŭdar ab słup, šmat pyłu. Adrazu pačali spyniacca mašyny, ja pabieh da BMV, ale mietraŭ za 15 užo adčuvaŭsia ŭstojlivy pach bienzinu. Padbieh, ubačyŭ pasažyra śpinoj da dźviarej, a na rukach byŭ kiroŭca. Kiroŭca byŭ mužčyna starejšy, pasažyr małady. Byli nie pryšpilenyja. Ratavać nie było kaho».
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary