Matč hoda anhlijskaj Premjer-lihi: «Sici» pieramoh «Junajted» + videa
Ciapier usio zaležyć tolki ad «haradžan», ci stanuć jany čempijonami krainy.
Pierad mančestarskim derbi “Junajted” apiaredžvaŭ kankurentaŭ na try punkty. Tym nie mienš, “Sici” było dastatkova minimalnaj pieramohi, kab vyjści na pieršaje miesca, bo majuć lepšyja dadatkovyja pakaźniki.
Na spravie ŭsio vyrašyŭ adziny hoł, jaki na 45-aj chvilinie sustrečy zabiŭ bielhijski lehijanier Kampani. “Čyrvonyja djabły ž uvohule nie zmahli nanieści nivodnaha ŭdara ŭ stvor varot supiernika.
Matč taksama zapomniŭsia sprobaj bojki pamiž nastaŭnikami kamand. Na 77-aj chvilinie ser Aleks Fierhiuson rynuŭsia na Robierta Mančyni, ale ich svoječasova raściahnuli. Praŭda, pa finalnym śvistku jany pacisnuli adzin adnamu ruki.Ciapier “Sici” i “Junajted” majuć adnolkavuju kolkaść punktaŭ pa 83. “Załaty” matč u Anhlii nie pravodzicca. Da kanca pieršynstva Anhlii zastajecca dva tury. “Mančestar Sici” ŭ ich sustreniecca z “Ńjukasłam” i KPR, a “Mančestar Junajted” – z “Suonsi” i “Sanderlendam”.
Kamientary