U hety dzień adznačajecca Mižnarodny dzień supraćdziejańnia hamafobii i transfobii.
Pravaabarončy prajekt «HiejBiełaruś» arhanizuje šerah aśvietnickich mierapryjemstvaŭ, prymierkavanych da 17 traŭnia, kali adznačajecca Mižnarodny dzień supraćdziejańnia hamafobii i transfobii. Na hety dzień u Miensku zaplanavanyja publičnyja akcyi, u Mienharvykam padadzienyja adpaviednyja zajaŭki.
«My śćviardžajem, što farmavańnie lepšaha hramadztva moža być dasiahnuta tolki praź likvidacyju hiendernych zababonaŭ i stereatypaŭ, praz systematyčnuju papularyzacyju raznastajnaści hramadztva i cełasny padychod da pravoŭ čałavieka, što pavinna vyjaŭlacca ŭ pierahladzie vučebnaj litaratury, školnych prahram i metadaŭ adukacyi», — kažuć arhanizatary tydnia.
U miežach tydnia dziejańniaŭ suprać hamafobii 12 traŭnia zaplanavany kruhły stoł «ŁHBT i adukacyja. Źmiena roli systemy adukacyi ŭ farmiravańni ŁHBT-fobii i jaje pieraŭtvareńnie ŭ častku rašeńnia, a nia ŭ častku prablemy».
17 traŭnia «HiejBiełaruś» zaprašaje na prahlad italjanskaj kamedyi «Chałastyja streły».
Taksama aktyvisty «HiejBiełaruś» padali ŭ Mienharvykankam zajaŭki na praviadzieńnie dvuch pikietaŭ u stalicy. Ich meta — infarmavańnie pra Mižnarodny dzień supraćdziejańnia hamafobii i transfobii 17 traŭnia. U hety dzień u 1990 hodzie homaseksualnaść była vyklučana ź mižnarodnaj klasyfikacyi chvarobaŭ Usiaśvietnaj arhanizacyi achovy zdaroŭja.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič17
Kamientary