Rabota słužby «adnaho akna» dziela pryliku niedapuščalna. Ab hetym zajaviŭ 16 maja kiraŭnik Administracyi prezidenta Uładzimir Makiej na naradzie z aktyvam Žłobinskaha rajona.
Rabočaja hrupa Administracyi Prezidenta praviała manitorynh stanu raboty dziaržaŭnych orhanaŭ i arhanizacyj sa zvarotami hramadzian i jurydyčnych asob u horadzie Žłobinie i Žłobinskim rajonie Homielskaj vobłaści. U čas manitorynhu byŭ vyvučany stan raboty pa debiurakratyzacyi administracyjnych pracedur, realizacyi pryncypu «adnaho akna» ŭ rabocie dziaržorhanaŭ i arhanizacyj, vykanańniu hrafika pryjomu hramadzian. Akramia taho, byli vyvučany rabota ŽKH, nieŭparadkavanaść dvarovych terytoryj, rabota miedycynskich ustanoŭ.
Pavodle słoŭ Uładzimira Makieja, słužba «adnaho akna» stvarałasia ŭ dapamohu čałavieku, i ŭ pieravažnaj bolšaści rehijonaŭ tak i adbyvajecca. Kiraŭnik Administracyi zapatrabavaŭ nieadkładna vypravić rabotu słužby «adnaho akna» ŭ Žłobinskim rajonie.
«Ludziej nie pavinny haniać pa instancyjach i prymušać źbirać daviedki, słužba „adnaho akna“ pavinna pracavać zładžana, — skazaŭ jon.— Vy viedajecie, jakuju ŭvahu kiraŭnik dziaržavy ŭdzialaje rabocie sa zvarotami hramadzian, viedajecie patrabavańni da jaje, i hetyja patrabavańni treba vykonvać niaŭchilna».
Akcent byŭ zrobleny i na zachavańni dyscypliny.
«Nieabchodna dabicca žaleznaj dyscypliny — i technałahičnaj, i vykanalnickaj»,— padkreśliŭ Uładzimir Makiej. Jon nahadaŭ, što takaja zadača pastaŭlena prezidentam.
U čas manitorynhu było vyjaŭlena niamała niedachopaŭ u rabocie
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha3
Kamientary