U Mahilovie maładaja maci padazrajecca ŭ padmanie orhanaŭ sacabarony na 40 młn
Upraŭleńnie Śledčaha kamiteta pa Mahiloŭskaj vobłaści raspačało kryminalnuju spravu ŭ dačynieńni da mahilaŭčanki 1986 hoda naradžeńnia, jakaja, jak miarkujecca, pa fiktyŭnaj daviedcy ab naradžeńni dvuch dziaciej atrymała amal 38 młn. rubloŭ dapamohi.
Jak paviedamili ŭ Śledčym kamitecie, u krasaviku 2009 hoda maładaja žančyna, jakaja vychoŭvała šaścihadovaha syna, padała ŭ adździeł ZAHS Mahiloŭskaha harvykankama padroblenyja dakumienty ab naradžeńni dźviuch dziaŭčynak. Fiktyŭnyja daviedki byli atrymany ad nie ŭstanoŭlenaj pakul asoby. Žančynie byli pryznačany ŭsie naležnyja vypłaty ź lutaha 2009 hoda. Tolki ŭ mai 2012 hoda supracoŭnikami UKDB pa Mahiloŭskaj vobłaści i abłasnoha UUS byŭ vyjaŭleny padłoh. Za hety čas žančyna atrymała ad orhanaŭ sacabarony 37.914.420 rubloŭ. Sioleta ŭ jaje źjaviłasia druhoje "sapraŭdnaje" dzicia.
Pavodle słoŭ pradstaŭnika SK, padazronaja ŭ machlarstvie ŭžo vypłaciła ŭsiu sumu. Uličvajučy hetuju akaličnaść, a taksama najaŭnaść u žančyny dvuch niepaŭnaletnich dziaciej, adno ź jakich niemaŭla, miera strymańnia ŭ dačynieńni da jaje nie abirałasia.
-
«Heta Słava E., jon byŭ vielmi intelihientny i prystojny». Sumnaja historyja mužčyny, cieła jakoha znajšli ŭ domie ŭ atačeńni sabak u Maładziečanskim rajonie
-
Dziaŭčynku, jakaja zhubiłasia ŭ Viciebskim rajonie, znajšli
-
U Viciebskim rajonie ratavalniki šukajuć 15‑hadovuju dziaŭčynku. Razhornuty maštabny pošuk
Kamientary