У Магілёве маладая маці падазраецца ў падмане органаў сацабароны на 40 млн
Упраўленне Следчага камітэта па Магілёўскай вобласці распачало крымінальную справу ў дачыненні да магіляўчанкі 1986 года нараджэння, якая, як мяркуецца, па фіктыўнай даведцы аб нараджэнні двух дзяцей атрымала амаль 38 млн. рублёў дапамогі.
Як паведамілі ў Следчым камітэце, у красавіку 2009 года маладая жанчына, якая выхоўвала шасцігадовага сына, падала ў аддзел ЗАГС Магілёўскага гарвыканкама падробленыя дакументы аб нараджэнні дзвюх дзяўчынак. Фіктыўныя даведкі былі атрыманы ад не ўстаноўленай пакуль асобы. Жанчыне былі прызначаны ўсе належныя выплаты з лютага 2009 года. Толькі ў маі 2012 года супрацоўнікамі УКДБ па Магілёўскай вобласці і абласнога УУС быў выяўлены падлог. За гэты час жанчына атрымала ад органаў сацабароны 37.914.420 рублёў. Сёлета ў яе з'явілася другое "сапраўднае" дзіця.
Паводле слоў прадстаўніка СК, падазроная ў махлярстве ўжо выплаціла ўсю суму. Улічваючы гэтую акалічнасць, а таксама наяўнасць у жанчыны двух непаўналетніх дзяцей, адно з якіх немаўля, мера стрымання ў дачыненні да яе не абіралася.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»18
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары