U Homieli chryścijanie chočuć zabaranić rekłamu ałkaholu
Homielskija hramadskija aktyvisty pačali zbor podpisaŭ pad zvarotam da parłamienta. Jany prapanoŭvajuć unieści papraŭki ŭ zakanadaŭstva, jakoje rehuluje rekłamu ałkaholnych napojaŭ i ich prodaž.Deputatam, u pryvatnaści, prapanoŭvajecca:
poŭnaściu zabaranić rekłamu pradukcyi z utrymańniem ałkaholu ŭ luboj formie;
raźmiaščać na ŭpakoŭkach, naklejkach i etykietkach ałkaholnych napojaŭ malunak i apisańnie nastupstvaŭ praciahłaha ŭžyvańnia ałkaholu;
zabaranić vytvorčaść i impart
uvieści padatak na prodaž ałkaholnych napojaŭ u pamiery 10% ad ich koštu z dalejšym vykarystańniem hetych srodkaŭ na adrasnuju sacyjalnuju padtrymku;
zabaranić prodaž ałkaholu asobam, jakija nie dasiahnuli
uvieści kryminalnuju adkaznaść za prodaž ałkaholu asobam, jakija nie dasiahnuli
Aŭtar idei zboru podpisaŭ, aktyvist hramadzianskaj kaalicyi «Naša alternatyva» Kanstancin Žukoŭski tak rastłumačyŭ BiełaPAN svaju inicyjatyvu: «U Biełarusi skłałasia krytyčnaja situacyja, kali ŭzrovień spažyvanaha čystaha ałkaholu na dušu nasielnictva składaje bolš za 12 litraŭ u hod. U toj ža čas, pavodle danych Suśvietnaj arhanizacyi achovy zdaroŭja, spažyvańnie ŭ krainie bolš jak vaśmi litraŭ čystaha ałkaholu na dušu nasielnictva ŭ hod źjaŭlajecca krytyčnaj adznakaj, paśla jakoj nastaje dehradacyja i vymirańnie nacyi».
«Biełaruś uvachodzić u dziasiatku samych pituščych krain śvietu, — kanstatavaŭ Žukoŭski. — Niepituščy čałaviek u našaj krainie vyhladaje ŭ vačach hramadskaści jak anamalija. Dzieci i padletki pačynajuć śpivacca prama sa školnaj łaŭki. Śpivajucca cełymi siemjami, pavalnaje pjanstva stanovicca normaj žyćcia. Jak vynik, my majem nizkuju pradukcyjnaść pracy, krytyčnuju naradžalnaść, vysokija ŭzroŭni złačynnaści, razvodaŭ i śmiarotnaści».
Homielskija aktyvisty raźličvajuć sabrać pad zvarotam u parłamient nie mieniej jak čatyry tysiačy podpisaŭ.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki20
Kamientary