Spačatku ziamlu dali ŭ pažyćciovaje karystańnie, a zatym adabrali

Dom 37 na vulicy Tyražnaj naležaŭ dziedu Viačasłava Švarumiana. Ziamielny nadzieł toj atrymaŭ jašče da vajny. Paśla jaho śmierci chatu padzialili naščadki. Tak Viačasłaŭ i atrymaŭ svaju častku. A ŭ 2008-m daviedalisia, što dom padlahaje znosu, a ziamlu zabiraje dziaržava.

Uljana, byłaja žonka Viačasłava, raźviałasia ź im za hod da vysialeńnia. Ale žyła razam z mužčynam i dźviuma niepaŭnaletnimi dočkami. U lipieni 2008-ha jany atrymali list ad dyrektara adnoj budaŭničaj firmy. U im paviedamlałasia, što ŭsie žychary doma zaprašajucca dla razhladu pytańnia ab pierasialeńni. U vypadku nieźjaŭleńnia ciaham piaci dzion dyrekcyja firmy pahražała padać u sud na prymusovaje vysialeńnie.

U liście havaryłasia pra znos doma na dziaržaŭnyja patreby, što, pa słovach dyrektara firmy, zamacavana adpaviednym rašeńniem Minharvykankama ŭ 2007-m (nasamreč tolki 30 kastryčnika 2008 haradskija ŭłady pryniali takoje rašeńnie). U im havorycca ab pieradačy kanfiskavanych nadziełaŭ u časovaje karystańnie firmie pad budaŭnictva.

U časie sustrečy, pa słovach Uljany, było damoŭlena, što hetaja firma nabudzie dla Viačasłava i jaje dzieciej asobnyja kvatery (žančyna nie źjaŭlałasia saŭłaśnicaj doma, tamu nie pretendavała na asobnuju kvateru i dla siabie). Jana tady padabrała sabie 3-pakajoŭku na vuł. Mirašničenki. A Viačasłaŭ paprasiŭ vykupić jamu 1-pakajoŭku — u Baraŭlanach. Uljana kaža, što nie prahnuła novaj kvatery ŭ centry. Hałoŭnaje dla jaje — raźjechacca z byłym mužam.

Da kastryčnika 2009-ha kvateraŭ tak i nie aformili. Mužčyna pabačyŭ kvateru ŭ Baraŭlanach i admoviŭsia ŭ jaje pierasialicca, pakul tam nie vypraviać chiby:

Na sudzie fihuravała tolki adna kvatera dla ŭsich — na vuł. Mirašničenki. I 2 krasavika 2010-ha było vyniesiena rašeńnie ab vysialeńni siamji Švarumianaŭ. Tut adbyłasia trahiedyja: Viačasłaŭ paviesiŭsia.

Na 13 vieraśnia 2010 pryznačyli vysialeńnie siamji. Žančyna zapratestavała: dva hady ŭ kvatery na Mirašničenki nie była, nie bačyła jaje stan. Pajechała tudy i ŭbačyła žach — tualet raźbity, usiudy antysanitaryja. Pierasialacca admoviłasia. Kali pryznačyli paŭtornaje vysialeńnie, u kvatery pafarbavali padłohu, adramantavali prybiralniu. Budaŭničaja firma jašče vypłaciła 3 miljony rubloŭ (na toj čas heta była tysiača dalaraŭ) «dla vypraŭleńnia niedachopaŭ kvatery svaimi siłami».

…Uljana adznačaje, što materyjalnych pretenzij nie maje da budaŭničaj firmy. Ale jana aburana sistemaj. Spačatku ziamlu dali ŭ pažyćciovaje karystańnie, a zatym adabrali. Zakon nie na baku ŭłaśnika, upeŭniena Uljana.

Ciapier na miescy doma na Tyražnaj, 37 budujecca žyły kompleks. Kvadratny mietr u navabudzie kaštuje 1180–1250 u.a.

• 0
• 0
• 0
• 0
• 0
• 0
• 0
• 0