Nie za harami školnyja ekzamieny – u sacyjalnych sietkach kvitnieje «šparhałkavy» biznes.
«Kali vy žadajecie atrymać vysoki bał na vypusknym ekzamienie, nie adciahvajučy pry hetym uvahu ad sapraŭdy važnych rečaŭ, jak CT i pastupleńnie ŭ VNU, to heta hrupa dla vas!»— napisana ŭ adnoj z supołak «Ukantakcie».
Nazva supołki havoryć sama za siabie — «Najlepšyja špory pa najnižejšych cenach». I takich prapanovaŭ u adnym tolki «Kantakcie» ź dziasiatak.
Šparhałki ŭjaŭlajuć saboj źmienšanyja kopii zbornikaŭ ekzamienacyjnych materyjałaŭ (rašebnikaŭ, pierakazaŭ, dyktovak). Jany lohka źmiaščajucca ŭ dałoni (pamier — 5*7 sm).
Handlary šparhałkami — pieravažna školniki i studenty małodšych kursaŭ (jość navat starasta hrupy).Aścieražniejšyja «biznesoŭcy» chavajucca pad nikami. A niekatoryja — całkam realnyja asoby, asabistuju infarmacyju i fota jakich moža prahladzieć luby achvočy. U tym liku — milicyja i kiraŭnictva adukacyi.
Adnak kali aścierahacca pieršych jość sens, to nastaŭniki naŭrad ci padymuć lamant, daviedaŭšysia pra
Nie sakret, što školnyja ekzamieny ŭ byłym SSSR śpisvali ŭsie i zaŭsiody. Ci šmat u vas znajomych, jakija zdavali vypusknyja ispyty «česna»? Heta nie Niamieččyna, dzie takoje prosta nie pryniata, bo nie pryniata padmanvać uvohule.
«Pra toje, što ispyty ŭ škołach — heta, možna skazać, prafanacyja, viedajuć usie, chto pracuje ŭ sistemie adukacyi»,— adznačaŭ viadomy repietytar Jaŭhien Liviant u adnym z intervju.
«Kupcy» taksama nie nadta bajacca hnievu nastaŭnikaŭ. Školniki z rehijonaŭ pišuć u supołkach svoj dakładny chatni adras, aby chutčej atrymać «tavar» pa pošcie.
Vypusknyja ekzamieny ŭ Biełarusi projduć z 1 pa 12 červienia. Tamu ciapier u handlaroŭ — razhar siezonu, i košt šparhałak rezka vyras. Kali ŭ internecie byŭ paznačany košt 15 tysiač rubloŭ, to pa telefonie handlar havoryć pra 25 tysiač. Takim čynam,
za «kamplekt» z čatyroch pradmietaŭ 9 kłasa (biełaruskaja i rasiejskaja movy, historyja i matematyka) daviadziecca vykłaści 100 tysiač rubloŭ.Takija ž košty i dla 11 kłasa.
Vysokaja kankurencyja prymušaje pradprymalnych maładzionaŭ vykarystoŭvać roznyja markietynhavyja «fiški». Naprykład, davać źnižki hurtovym kupcam (heta kali śpisvać budzie ŭvieś kłas) i rabić biaspłatnuju dastaŭku pa Biełarusi.
Popyt na tavar jość — na ściency supołki amal štohadziny źjaŭlajucca paviedamleńni kštałtu «terminova patrebnyja špory pa biełmovie! Zaŭtra ekzamien».
Ci možna razbahacieć na «šporach»? Acanić prybytki handlaroŭ składana.
Kali prykinuć, što chacia b pałova ŭdzielnikaŭ supołki (a heta 250 čałaviek) nabuduć šparhałki pa adnym pradmiecie, to vyručka składzie bolš za 6 miljonaŭ rubloŭ.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma30
Kamientary