Venesueła prapracoŭvaje pytańnie ab zakupcy ŭ Biełarusi srodkaŭ supraćpavietranaj abarony. Zakupki ŭzbrajeńniaŭ u Kitai i Biełarusi, padkreśliŭ Uha Čaves, kampensujuć uviedzienaje ZŠA letaś u traŭni embarha na ekspart zbroi ŭ Venesuełu.
Vieniesueła prapracoŭvaje pytańnie ab zakupcy ŭ Biełarusi srodkaŭ supraćpavietranaj abarony. Jak pieradaje karespandent ITAR‑TASS z Karakasa, ab hetym 25 sakavika ŭ svajoj tradycyjnaj niadzielnaj telepieradačy «Alo, prezident» paviedamiŭ kiraŭnik vieniesuelskaj dziaržavy Uha Čavies. Pavodle jaho słoŭ, Vieniesueła maje patrebu ŭ sučasnaj sistemie supraćpavietranaj abarony, «my viadziem razmovu i pracujem nad hetym ź biełaruskim bokam».
Uha Čavies pazityŭna acaniŭ vajenna‑techničnyja suviazi Vieniesueły ź Biełaruśsiu i Kitajem. Zakupki ŭzbrajeńniaŭ u hetych krainach, jak padkreśliŭ prezident, kampiensujuć uviedzienaje ZŠA u mai minułaha hoda embarha na ekspart zbroi ŭ Vieniesuełu.
Varta zaznačyć, što niadaŭna parłamient Vieniesueły ratyfikavaŭ pahadnieńnie ab vajenna‑techničnym supracoŭnictvie ź Biełaruśsiu. Pra heta žurnalistam u Karakasie 21 sakavika paviedamiŭ staršynia parłamienckaj kamisii pa mižnarodnych spravach Saul Arteha. Dakumient praduhledžvaje ŭsiebakovaje raźvićcio vajenna‑techničnych suviaziej ź Biełaruśsiu, udakładniŭ S.Arteha. Havorka idzie, u pryvatnaści, ab supracoŭnictvie «ŭ vytvorčaści, madernizacyi, pastaŭkach biełaruskim bokam uzbrajeńniaŭ dla suchaputnych sił, vajennaj avijacyi i SPA». Ahavorany abaviazacielstvy pastaŭščykoŭ na zabieśpiačeńnie zapčastkami i servisnaje absłuhoŭvańnie vajennaj techniki. Pahadnieńnie dazvolić vieści sumiesnuju raspracoŭku novych uzbrajeńniaŭ, srodkaŭ suviazi i elektroniki. Biełaruś, u pryvatnaści, moža ŭziać udzieł u pastaŭkach vajennaj techniki, abstalavańnia dla kamandnych punktaŭ sistemy SPA Vieniesueły, pra stvareńnie jakoj prezident Uha Čavies zajaviŭ u žniŭni 2006 hoda.
Nahadajem taksama, što ŭ chodzie svajho vizitu ŭ Minsk u lipieni minułaha hoda Uha Čavies razam z prezidentam Biełarusi Alaksandram Łukašenkam naviedaŭ Vajennuju akademiju, dzie staličnaje pradpryjemstva «Tetraedr» pradstaviła kiraŭnikam dziaržaŭ madernizavanyja zienitnyja rakietnyja kompleksy «Piačora‑2T» i «Asa‑1T». Dla Vieniesuelskaha boku «Tetraedr» moža być cikavym jašče i tym, što pradpryjemstva raspracoŭvaje ZRK zvyšmałoj dalokaści, jakomu niama anałahaŭ u śviecie. Kompleks pryznačany dla baraćby z vysokadakładnaj zbrojaj na kančatkovym etapie jaho palotu. Abjaŭlałasia, što novaja raspracoŭka «Tetraedra» budzie pradstaŭlena na 4‑j vystavie ŭzbrajeńnia i vajennaj techniki «Milex», jakaja projdzie ŭ Minsku ŭ mai hetaha hoda.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina18
Kamientary