Ad suboty pačnie ciapleć.
U subotu paŭdniovy cykłon, adychodziačy na poŭnač jeŭrapiejskich rajonaŭ Rasii, budzie farmiravać nadvorje tolki na ŭschodzie Biełarusi. Dniom prajavicca ŭpłyŭ vobłaści pavyšanaha atmaśfiernaha cisku, i nadvorje budzie palapšacca. Dniom pa Viciebskaj i Mahiloŭskaj abłaściach projduć karotkačasovyja daždžy i navalnicy, u astatnich rajonach čakajecca pieravažna biez apadkaŭ. U niadzielu, 17 červienia, vobłaść pavyšanaha atmaśfiernaha cisku budzie asnoŭnym faktaram farmiravańnia nadvorja. U mnohich rajonach krainy budzie pieravažna biez apadkaŭ, tolki dniom z Polščy pieramieścicca frantalny raździeł, i pa paŭnočnym zachadzie i zachadzie Biełarusi ŭ asobnych rajonach projduć karotkačasovyja daždžy. Tempieratura pavietra pačnie pavyšacca: u dzionny čas jana budzie vahacca ad 23 hradusaŭ na poŭnačy da 30 na poŭdni krainy.
U pačatku nastupnaha tydnia Biełaruś budzie znachodzicca pad upłyvam ciopłaha antycykłonu. Tempieratury pavietra buduć davoli vysokimi, pryčym paciapleje nie tolki ŭ dzionny, ale i ŭ načny čas.Pačynajučy z paniadziełka, budzie pieravažać tempieratura nočču plus 11–18 hradusaŭ, dniom — plus 23–28. U Bresckaj i Homielskaj abłaściach pavietra prahrejecca da 30 hradusaŭ, a ŭ asobnyja dni — da plus 32. U sieradu čakajecca vielmi ciopły dzień: tempieratura pavietra ŭ dzionny čas na bolšaj častcy terytoryi krainy čakajecca plus 25–30 hradusaŭ, u Bresckaj i Homielskaj abłaściach — da 33 hradusaŭ.
Kamientary