Mytnaja słužba aeraportu «Miensk—2» viarnuła kaardynataru Chartyi’97 Andreju Sańnikavu hrošy, kanfiskavanyja ŭ jaho ŭ sakaviku 2006 hoda.
Mytnaja słužba aeraporta «Miensk—2» viarnuła kaardynataru Chartyi'97 Andreju Sańnikavu hrošy, kanfiskavanyja ŭ jaho ŭ sakaviku 2006 hoda. Z momantu kanfiskacyi minuŭ roŭna hod.
«Dzie znachodzilisia maje hrošy, ci pravodziłasia niejkaja ekśpiertyza, ničoha nie paviedamili. U liście z mytni tolki havorycca, što kupiury im «viarnuli». Heta značyć, niejkaja mifičnaja arhanizacyja na try litary, tolki praz hod, addała mytnikam maje hrošy. Vybačeńniaŭ nichto nie prynios», — paviedamiŭ Andrej Sańnikaŭ.
Pravaabaroncu zatrymali 26 sakavika 2006 hoda ŭ mienskim aeraporcie paśla prybyćcia z Łondana. Padčas nahladu ŭ jaho byli kanfiskavanyja 1.040 dalaraŭ ZŠA i 260 Jeŭra. Niahledziačy na toje, što Sańnikavu ŭručyli akt ab asabistym nadhladzie, u jakim adznačajecca, što jon nie pravoziŭ nijakich zabaronienych dla ŭvozu rečaŭ, mytniki zajavili, što suma hrošaj u valucie, jakaja im pieravozicca, moža być falšyvaj.
Na nieadnarazovyja zvaroty pravaabaroncy ŭ mytniu aeraporta «Miensk‑2» Sańnikavu spačatku adkazvali, što jaho vypadak razhladajecca ŭ Mytnym kamitecie Respubliki Biełaruś, a paśla paviedamili, što im zajmajucca ŭ KDB. U lipieni 2006 hoda kaardynatara Chartyi'97 vyklikali ŭ inśpiekcyju pa padatkach i zborach h. Mienska, dzie jamu paviedamili, što pa zadańni namieśnika ministra pa padatkach i zborach A. Darašenki inśpiekcyi daručana zapatrabavać u pravaabaroncy tłumačeńni pa kanfiskavanaj mytniaj valucie. Akramia taho, ad Sańnikava patrabavali pradstavić dekłaracyju ab prybytkach i majomaści za pieryjad 2005 hoda.
Usio patrabavańni inśpiekcyi pravaabaronca vykanaŭ, ale ŭ śniežni 2006 hoda jaho znoŭ vyklikali ŭ inśpiekcyju Pieršamajskaha rajona stalicy i patrabavali pradstavić tłumačeńni pa prybytkach i majomaści za pieryjad z 1991 hoda pa ciapierašni čas, uklučna tłumačeńni pa kanfiskavanaj valucie.
Na pačatku studzienia 2007 hoda Andrej Sańnikaŭ źviarnuŭsia ŭ prakuraturu Pieršamajskaha rajona Mienska i prakuraturu Respubliki Biełaruś z prośbaj dać tłumačeńni z nahody niepravamiernych dziejańniaŭ aficyjnych orhanaŭ.
Ciapier čytajuć
Tramp zaprasiŭ Łukašenku ŭvajści ŭ Radu miru pa Hazie38
Kamientary