Мытная служба аэрапорту «Менск—2» вярнула каардынатару Хартыі’97 Андрэю Саннікаву грошы, канфіскаваныя ў яго ў сакавіку 2006 года.
Мытная служба аэрапорта «Менск—2» вярнула каардынатару Хартыі’97 Андрэю Саннікаву грошы, канфіскаваныя ў яго ў сакавіку 2006 года. З моманту канфіскацыі мінуў роўна год.
«Дзе знаходзіліся мае грошы, ці праводзілася нейкая экспертыза, нічога не паведамілі. У лісце з мытні толькі гаворыцца, што купюры ім «вярнулі». Гэта значыць, нейкая міфічная арганізацыя на тры літары, толькі праз год, аддала мытнікам мае грошы. Выбачэнняў ніхто не прынёс», — паведаміў Андрэй Саннікаў.
Праваабаронцу затрымалі 26 сакавіка 2006 года ў менскім аэрапорце пасля прыбыцця з Лондана. Падчас нагляду ў яго былі канфіскаваныя 1.040 даляраў ЗША і 260 Еўра. Нягледзячы на тое, што Саннікаву ўручылі акт аб асабістым надглядзе, у якім адзначаецца, што ён не правозіў ніякіх забароненых для ўвозу рэчаў, мытнікі заявілі, што сума грошай у валюце, якая ім перавозіцца, можа быць фальшывай.
На неаднаразовыя звароты праваабаронцы ў мытню аэрапорта «Менск‑2» Саннікаву спачатку адказвалі, што яго выпадак разглядаецца ў Мытным камітэце Рэспублікі Беларусь, а пасля паведамілі, што ім займаюцца ў КДБ. У ліпені 2006 года каардынатара Хартыі’97 выклікалі ў інспекцыю па падатках і зборах г. Менска, дзе яму паведамілі, што па заданні намесніка міністра па падатках і зборах А. Дарашэнкі інспекцыі даручана запатрабаваць у праваабаронцы тлумачэнні па канфіскаванай мытняй валюце. Акрамя таго, ад Саннікава патрабавалі прадставіць дэкларацыю аб прыбытках і маёмасці за перыяд 2005 года.
Усё патрабаванні інспекцыі праваабаронца выканаў, але ў снежні 2006 года яго зноў выклікалі ў інспекцыю Першамайскага раёна сталіцы і патрабавалі прадставіць тлумачэнні па прыбытках і маёмасці за перыяд з 1991 года па цяперашні час, уключна тлумачэнні па канфіскаванай валюце.
На пачатку студзеня 2007 года Андрэй Саннікаў звярнуўся ў пракуратуру Першамайскага раёна Менска і пракуратуру Рэспублікі Беларусь з просьбай даць тлумачэнні з нагоды неправамерных дзеянняў афіцыйных органаў.
Цяпер чытаюць
Як у галечы співалася радня Лукашэнкі? Малавядомыя факты25
Каментары