Pakalečanych ptušaniat bakłana ŭsypili
Čašnickija vieterynary pryjšli da vysnovy, što ptušaniaty bakłana z adrezanymi dziubami nie žyćciazdolnyja.
Tamu było pryniata rašeńnie usypić niaščasnych ptušak.
Siońnia śpiecyjalisty (vieturač, ekołahi i supracoŭniki MNS) adłavili i ŭsypili pieršych 10 ptušaniat — z dapamohaj snatvornaha. Potym «utylizavali». Ab takim raźvićci padziej paviedamlaje «Kamsamołka» sa spasyłkaj na načalnika Čašnickaj rajonnaj inśpiekcyi pryrodnych resursaŭ i achovy navakolnaha asiarodździa Juryja Čarnavusava. Hazieta piša, što «pakul ptušanio kormiać baćki, jano jašče moža pažyć, ale, kali ptušaniaty stanuć na kryło, jany nie zmohuć samastojna charčavacca».
I ŭsypleńnie — adziny humanny vychad u hetaj situacyi…
Napiaredadni ŭviečary, kali stała viadoma ab trahiedyi, u Čašnickim rajvykankamie prajšło pasiadžeńnie pa hetym pytańni. Na voziery Łukomskaje, dzie byli znojdzienyja źniaviečanyja ptuški, milicyja abśledavała terytoryju. Miascovaje RAUS pravodzić rasśledavańnie pa hetym fakcie i šukaje vyludkaŭ.
Kamientary