Pavodle dadzienych Nacyjanalnaha statystyčnaha kamiteta RB, naminalnaja naličanaja siaredniamiesiačnaja zarabotnaja płata rabotnikaŭ Biełarusi ŭ mai 2012 vyrasła ŭ paraŭnańni z krasavikom na 9,4% i dasiahnuła 3,56 młn. rubloŭ.
U dalaravym ekvivalencie zarabotnaja płata vyrasła na 5,5% - da 426 dalary. U paraŭnańni z krasavikom zarobak pavialičyŭsia na 22 dalary.
Heta vielmi značny rost, u krasaviku zarobak pavialičyŭsia na $13, a ŭ sakaviku - na $24.
Značnym byŭ rost zarabotnaj płaty i ŭ realnym vyražeńni, heta značyć skarektaavany na rost spažyvieckich cen. Pavodle dadzienych Nacyjanalnaha statystyčnaha kamiteta realnaja zarpłata pavialičyłasia ŭ traŭni ŭ paraŭnańni z krasavikom na 7,7%.
Krychu mieniej, čym u siarednim pa krainie, u mai pavialičyłasia zarabotnaja płata ŭ śfiery, źviazanaj z vyličalnaj technikaj: na 9% - da 9,583 młn. rub.Ale prahramisty zastalisia liderami pa zarobku ŭ Biełarusi.
U śfiery vytvorčaści koksu, naftapraduktaŭ i jadziernych materyjałaŭ rost zarobku staŭsia i taho mienšym: 2,6%. U vyniku zarobak u mai ŭ hetaj śfiery ekanomiki dasiahnuŭ 7,404 młn. rub. Ale heta zapavoleńnie možna ličyć narmalnym, bo raniej zarobak u naftapierapracoŭcy ros našmat chutčej, čym u cełym pa ekanomicy.
U chimičnaj vytvorčaści siaredniaja naličanaja zarpłata ŭ mai 2012 vyrasła na 11,7%, dasiahnuŭšy 6,369 młn. rub.
U cełym u pramysłovaści zarobak u mai pavialičyŭsia na 9,5% (da 4,008 młn. rub), heta značyć, praktyčna hetaksama, jak i ŭ siarednim pa ekanomicy.
U śfiery finansavaha pasiarednictva siaredni zarobak u mai, jak heta ni dziŭna, nie vyras, a źniziŭsia: na 3,9% (da 5,546 młn. rub).
Značna - na 15% - vyrasła ŭ mai ŭ paraŭnańni z krasavikom siaredniaja naličanaja zarabotnaja płata ŭ sielskaj haspadarcy. Jana dasiahnuła 2,239 młn. rub, ale ŭsio roŭna zastałasia na vielmi nizkim uzroŭni ŭ paraŭnańni ź inšymi halinami ekanomiki. U handli zarobak pavialičyŭsia ŭ našmat mienšaj stupieni: na 6,2% - da 3,251 młn. rub.
Ale bolš za ŭsio siaredniaja naličanaja zarabotnaja płata ŭ mai 2012 pavialičyłasia ŭ budaŭnictvie - na 15,6% (da 4,097 młn. rub). Vidać, heta źviazana z žadańniem pradpryjemstvaŭ spynić adtok kadraŭ z hetaj haliny. Dziakujučy rostu ŭ mai zarobak u śfiery budaŭnictva pavialičyŭsia ŭ realnym vyražeńni ŭ paraŭnańni z majem 2011 hoda na 15,1%.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary