Apazicyju puścili ŭ akruhovyja kamisii, jakija ničoha nie vyrašajuć.
Na 110 akruhaŭ budzie stolki ž kamisij, u skład kožnaj uvojdzie 13 čałaviek.Va ŭsich abłaściach buduć pradstaŭlenyja vyłučency ad apazicyi. Naprykład, u Minsku takich budzie 14 čałaviek. Vosiem čałaviek ad «Spraviadlivaha śvietu», 4 — ad BNF, pa 1 — ad AHP i BSDP.
U Bresckaj vobłaści «hulalisia ŭ demakratyju», kali staršynia abłvykankamu Kanstancin Sumar paprasiŭ dadatkova ŭklučyć u kamisii šaścioch apazicyjanieraŭ. Vyjšła, što ŭ kamisii trapiła 15 apazicyjanieraŭ. Tut taksama pieravaha na baku «Spraviadlivaha śvietu».Ad postkamunistaŭ prajšło 8 čałaviek z 13 vyłučanych. Pa 2 čałavieki pradstaviać BSDP i BNF. Na adnaho čałavieka bolš u AHP, chacia vyłučali jany vosiem čałaviek.
U astatnich abłaściach situacyja jašče horšaja. Naprykład, u Viciebskaj trapili čatyry čałavieki ad partyi Kalakina i dva ad BNF. A voś toje ž AHP, choć i vyłučała 7 pradstaŭnikoŭ, zastałosia ni z čym. U admovie spasłalisia na toje, što nie paśpieli z zajaŭkaj.
U Hrodzienskaj vobłaści 89% kandydataŭ na ŭklučeńnie ŭ kamisii mieli raniejšy padobny dośvied.
Siarod 20 partyjcaŭ, što trapili ŭ skład kamisij Homielskaj vobłaści tolki troje z apazicyjnych partyj. Astatnija pradstaŭlajuć praŭładnuju Kamunistyčnuju partyju, Respublikanskuju.
U Minskaj vobłaści ŭ kamisii trapiła niekalki čałaviek ad viadučych apazicyjnych partyj.
U vyniku apazicyja ŭ akruhovych kamisijach budzie mienš za 1% pradstaŭnikoŭ apazicyjnych partyj. Bolšaść zojmuć vyłučency ad «Biełaj Rusi», aficyjnych prafsajuzaŭ, Čyrvonaha kryža.Siabry akruhovych kamisij nie ŭdzielničajuć u padliku hałasoŭ, tamu ŭłady bolš achvoča ŭklučajuć siudy apazicyjanieraŭ, čym, skažam, u skład učastkovych kamisii.
Niekatoryja apazicyjnyja partyi i arhanizacyi navat nie sprabavali vyłučać svaich pradstaŭnikoŭ.
Parłamienckija vybary adbuducca 23 vieraśnia.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary