Samaja paśpiachovaja i simpatyčnaja zbornaja Biełarusi pryznačyła spatkańnie sapraŭdnym zaŭziataram. I zaŭziatarkam.
Hetaja kamanda pakazała sapraŭdny kłas, debiutavaŭšy piać hadoŭ tamu ŭ finalnaj častcy čempijanatu Jeŭropy i adrazu uziaŭšy «bronzu». Ni da hetaha, ni paśla nivodnaja naša zbornaja ŭ hulniavych vidach sportu miedaloŭ na
A baskietbalistki (havorka, viadoma ž, pra ich), paśla dakazali nievypadkovaść svajho pośpiechu: šostaje miesca na Alimpijadzie, čaćviortyja — na čarhovych čempijanatach śvietu i Jeŭropy.Charakterna, što kamanda, stvoranaja Anatolem Bujalskim, damahłasia ŭsiaho hetaha pry praktyčna poŭnaj adsutnaści dziaržpadtrymki.
Ale ciapier u žyćci žanočaj zbornaj Biełarusi nastupiŭ niaprosty momant, jaki moža stać pierałomnym. Kab harantavać sabie pucioŭku na čarhovy čempijanat Jeŭropy, našym dziaŭčatam u apošniaj hulni adboračnaha turniru treba pieramahać ukrainak.
Zadača hetaja nie vyhladała b zvyšskładanaj, asabliva z ulikam taho, što vyrašalny matč projdzie ŭ Minsku (na vyjeździe, darečy, biełaruski pieramahli — 55:51). Kali b nie łavina traŭmaŭ, jakaja zvaliłasia na našu kamandu.Jak śledstva, haściavy matč ź Izrailem, jaki adbyŭsia ŭ minułuju subotu, pryjšłosia hulać šeść na dvanaccać. Sił na kancoŭku nie chapiła, i biełaruski prajhrali.
U apošnim i vyrašalnym bai našaj kamandzie asabliva nieabchodnaja padtrymka trybun. Matč z Ukrainaj — ź sieryi tych, jakija sapraŭdnyja prychilniki sportu nie pavinny prapuskać. Zaŭziatary mohuć stać dadatkovym «štykom», jakoha ciapier tak nie chapaje žanočaj baskietbolnaj zbornaj Biełarusi.
A tamu ŭbačymsia 11 lipienia (sierada) u minskim Pałacy sportu ŭ 19.30. Miesca sustrečy źmianić nielha.
Bilety ad 15 tys. da 45 tys. Ich možna kupić u kasach kvitki.by, faktyčna pa ŭsim horadzie, abo praź Internet, raźličyŭšysia kartkaj.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary