Самая паспяховая і сімпатычная зборная Беларусі прызначыла спатканне сапраўдным заўзятарам. І заўзятаркам.
Гэтая каманда паказала сапраўдны клас, дэбютаваўшы пяць гадоў таму ў фінальнай частцы чэмпіянату Еўропы і адразу узяўшы «бронзу». Ні да гэтага, ні пасля ніводная наша зборная ў гульнявых відах спорту медалёў на
А баскетбалісткі (гаворка, вядома ж, пра іх), пасля даказалі невыпадковасць свайго поспеху: шостае месца на Алімпіядзе, чацвёртыя — на чарговых чэмпіянатах свету і Еўропы.Характэрна, што каманда, створаная Анатолем Буяльскім, дамаглася ўсяго гэтага пры практычна поўнай адсутнасці дзяржпадтрымкі.
Але цяпер у жыцці жаночай зборнай Беларусі наступіў няпросты момант, які можа стаць пераломным. Каб гарантаваць сабе пуцёўку на чарговы чэмпіянат Еўропы, нашым дзяўчатам у апошняй гульні адборачнага турніру трэба перамагаць украінак.
Задача гэтая не выглядала б звышскладанай, асабліва з улікам таго, што вырашальны матч пройдзе ў Мінску (на выездзе, дарэчы, беларускі перамаглі — 55:51). Калі б не лавіна траўмаў, якая звалілася на нашу каманду.Як следства, гасцявы матч з Ізраілем, які адбыўся ў мінулую суботу, прыйшлося гуляць шэсць на дванаццаць. Сіл на канцоўку не хапіла, і беларускі прайгралі.
У апошнім і вырашальным баі нашай камандзе асабліва неабходная падтрымка трыбун. Матч з Украінай — з серыі тых, якія сапраўдныя прыхільнікі спорту не павінны прапускаць. Заўзятары могуць стаць дадатковым «штыком», якога цяпер так не хапае жаночай баскетбольнай зборнай Беларусі.
А таму ўбачымся 11 ліпеня (серада) у мінскім Палацы спорту ў 19.30. Месца сустрэчы змяніць нельга.
Білеты ад 15 тыс. да 45 тыс. Іх можна купіць у касах kvitki.by, фактычна па ўсім горадзе, або праз Інтэрнэт, разлічыўшыся карткай.
Каментары