Nahadajem, učora jon raspačaŭ žartaŭlivuju kampaniju pa vybarach u deputaty.
U Minsku 17 lipienia byŭ zatrymany aktyvist, aŭtar našumiełaha pierfomansu «Musarok» Ivan Amielčanka. Pryčyna zatrymańnia pakul nieviadomaja.
Prykładna paśla 11 hadziny ranicy Ivan vyjšaŭ z domu na zapłanavanuju sustreču, i bolš jahony telefon nie adkazvaje. Nahadajem, što padobnym čynam jon byŭ zatrymany 26 červienia i pakarany administratyŭnym aryštam na 15 sutak, nibyta za brydkasłoŭje. Ahułam za dva miesiacy Amielčanka pravioŭ za kratami 40 sutak.
Nahadajem, što ŭčora moładzievaja arhanizacyja «Źmiena» praviała pres-kanfierencyju z nahody vyłučeńnia kandydata ŭ deputaty Ivana Amielčanki.
Jak patłumačyŭ žurnalistam aktyvist moładzievaj arhanizacyi «Źmiena» Pavał Vinahradaŭ, jany iduć u narod, kab padkreślić usiu absurdnaść hetych vybaraŭ. «Źmiena» vyrašyła padtrymać kandydaturu charyzmatyčnaha Ivana, bo jon bałatujecca nie ad niejkaj partyi ci arhanizacyi, Ivan - kandydat «ad narodu». «My budziem pakazvać, što vybory — heta mylnaja burbałka, da jakoj nie varta stavicca surjozna», -- skazaŭ Vinahradaŭ.
Siońnia taksama zatrymali šerah maładafrontaŭcaŭ. Miarkujecca, što takim čynam ułady strachujucca ad publičnych pratestaŭ u časie vizitu rasijskaha premjera Miadźviedzieva.
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary