Pieramoha ad «Homiela», ničyja «Šachciora», fiejeryčny druhi tajm «Naftana»
Pieršyja matčy Lihi Jeŭropy.
Siońnia prajšli matčy druhoha kvalifikacyjnaha raŭndu Lihi Jeŭropy pa futbole. Na hetaj stadyi našu krainu pradstaŭlajuć try kamandy — «Homiel», «Naftan» (Navapołack), «Šachcior» (Salihorsk).Pieršymi na pole vyjšli hulcy «Naftana». U Viciebsku jany prymali sierbskuju «Crvienu Źviezdu». Kultavaja kamanda ź Białhradu, adzinaja z Uschodniaj Jeŭropy, jakaja vyjhravała Kubak jeŭrapiejskich čempijonaŭ.
U Viciebsk pryjechała bahata zaŭziataraŭ ź Sierbii i Maskvy. «Źviezda» siabruje z «Spartakom». Hości byli vidavočnymi favarytami pary. I ź pieršych chvilin jany pačali adpracoŭvać svoj status.
Pieršy tajm skončyŭsia kašmarnymi ličbami 0:3 na karyść bałkancaŭ. «Naftana» na placoŭcy ŭvohule bačna nie było.
Zatoje ŭ druhoj pałovie adbyłosia čaroŭnaje pieraŭtvareńnie. Spačatku Alaksandr Haŭruška realizavaŭ pienalci, potym jon ža pakłaŭ miač u nižni vuhał — 2:3.
U adnoj z nastupnaj atak čarnahorski lehijanier «Crvieny Źviezdy» Kasalica zrabiŭ pieravahu sierbaŭ bolš kamfortnuju. «Naftan» zmoh adyhrać adzin hoł namahańniami reziervista Valeryja Žukoŭskaha — 3:4.U Białhradzie «Naftanu» budzie ciažka. Fany «Crvieny Źviezdy» padtrymajuć svaich pa poŭnaj prahramie. Ciažka budzie spadziavacca na ahulnuju pieramohu, ale druhi tajm padaryŭ trošku aptymizmu.
«Homiel» pravodziŭ matč u makiedonskim Kumanava. Supiernik — miascovaja «Renova».
Z hetaj kamandaj niekali sustrakałasia minskaje «Dynama». Tady biełarusy byli macniej.«Šachcior» doma prymaŭ aŭstryjski «Ryd».
Hulnia padałasia davoli roŭnaj. Pieršy tajm haspadary atakavali bolš, druhi — hości.
Zdajecca, za hety čas makiedoncy macniej nie stali. Skazaŭ by navat, što pieramohu «Homiel» atrymaŭ pieramohu davoli šarahova.
U pieršym tajmie Vadzim Dziemidovič i Tomaš Novak zrabili lik 2:0.
Dalej «Homiel» nie nadta chacieŭ, a «Renova» zusim nie mahła. Kali nie zdarycca ničoha anamalnaha, to za «Homiel» možna asabliva nie pieražyvać. Kamanda pavinna dabicca svajho.
Zabić hoł «harniakam» atrymałasia za paru chvilin da śvistka na pierapynak. Sitko vyvieŭ na ŭdarnuju pazicyju Asipienku. I najlepšy bambardzir pieršynstva Biełarusi nie padkačaŭ — 1:0.
Sprečnaść momantu była ŭ tym, što na toj čas hulec «Ryda» lažaŭ na poli. Tym samym, salihorcy nie vybili miač, jak toje patrabujuć praviły dobraha tonu.
U druhim tajmie rumynski arbitr pryznačyŭ u varoty «Šachciora» dosyć sprečny pienalci. Anieł Chadžyč byŭ biezdakorny — 1:1.U Aŭstryi «Šachcioru» treba budzie abaviazkova zabivać, što nie jość nadta lohkaj spravaj.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary