Niamihi betonnyja bierahi

Stahodździe tamu vuzieńkaja vułačka z majsterniami ramieśnikaŭ i łaŭkami handlaroŭ siońnia — «sici», spravavy centar. Paśla doŭhich sprečak, što lepiej — adbudavać raniejšuju Niamihu ci darešty «zapratoryć» jaje pad škło i beton, — architektary i historyki spynilisia na «załatoj siaredzinie». Pravy bok vulicy z Handlovym domam «Na Niamizie» zastaniecca raniejšym, a levy, dahetul pusty, adnoviać u styli XIX stahodździa. Takoje rašeńnie pryniała respublikanskaja navukova‑metadyčnaja rada ŭ pytańniach historyka‑kulturnaj spadčyny pry Ministerstvie kultury.

Častkova hety prajekt užo realizavany — ad praspektu Pieramožcaŭ da vulicy Kamsamolskaj. Zabudavać pustku miž Kamsamolskaj i Haradzkim Vałam davieryli «Tvorčaj majsterni architektara Duleviča».

— Kali ŭznaŭlali ŭčastak da vulicy Kamsamolskaj, stylizavanyja pad architekturu pazaminułaha stahodździa damy padniali na platformu, pad jakoj raźmiaściŭsia parkinh. Pavodle prajektu Hienadzia Duleviča, parkinh pojdzie pad ziamlu, — adznačaje asablivaść novaha varyjantu rekanstrukcyi navukovy sakratar navukova‑metadyčnaj rady Volha Michajłava.

Sam Hienadź Dulevič kaža, što nia staviŭ metaj uznavić vulicu ŭ jaje pieršapačatkovym vyhladzie.

— Raniejšaj Niamihi ŭžo nikoli nia budzie. Jana zahinuła pad nažom urbanizacyi ŭ 70‑ia hady. Tut častkova zachavałasia zabudova XIX stahodździa, voś jaje i treba zachavać i źviazać z sučasnymi budynkami. Ja prapanuju architekturnuju fantaziju «pa matyvach» raniejšaj Niamihi, jakaja «prymiryć» stary horad z novym.

Navukova‑metadyčnaja rada ŭchvaliła hetuju ideju. Budaŭničyja raboty pačnucca sioleta. «Ale detali prajektu jašče buduć udakładniacca, — kaža Volha Michajłava. — Treba pradumać, jak pa‑novamu arhanizavać u hetym rajonie ruch transpartu».

Užo viadoma, što vulica Revalucyjnaja stanie piešachodnaj: padniacca na jaje ź Niamihi možna budzie pa leśvicy ci eskalatary. U šmatfunkcyjanalnym kompleksie, jaki raźmieścicca ŭ staražytnych dvorykach, adčyniacca novyja vystaŭnyja zali, kramy, kaviarni. U paśpiachovaści prajektu Hienadź Dulevič nie sumniavajecca. Ale kančatkovuju acenku «novaj Niamizie» daść čas.

Viktar Korbut, fota Vitala Hila, «SB — Biełaruś siehodnia»

• 0
• 0
• 0
• 0
• 0
• 0
• 0
• 0