Minsk: małady kiroŭca Ford urezaŭsia ŭ pryparkavanyja aŭtamabili. Chłopiec pamior
Minułaj nočču ŭ Minsku znoŭ była zarehistravanaja avaryja ź ciažkimi nastupstvami.
«Siońnia nočču (2.30 prykładna) na vuł. Jasienina, 111 pjany, nie spraviŭsia z kiravańniem i palacieŭ u pryparkavanyja. Nie tarmaziŭ. Spačatku biehaŭ vałasy rvaŭ, potym loh na ziamlu. Zabrała chutkaja. Usio zdaryłasia na vačach u patrula milicyi», — napisaŭ udzielnik forumu Onliner.by. Žyćcio kiroŭcy vyratavać nie ŭdałosia, paviedamili ŭ
— Avaryja adbyłasia ŭ 2.30 nočy, — paćvierdzili inśpiektary, što vyjazdžali na miesca zdareńnia. — Aŭtamabil Ford Mondeo ruchaŭsia pa vuł. Jasienina (z boku vuł. Słabadskoj u napramku vuł. Rafijeva). Jon urezaŭsia ŭ aŭtamabili, što stajali źleva pa chodzie ruchu — Peugeot Boxer i Peugeot 307. Za rulom Ford znachodziŭsia chłopiec 1990 h.n.
Pavodle infarmacyi DAI, na miescy zastalisia vidavočcy, jany raskazvali, što aŭtamabil zadymiŭsia. Kiroŭcu (jon znachodziŭsia ŭ sałonie adzin) zdoleli dastać nie adrazu: dźviery byli zabłakavanyja. Niejki čas jon znachodziŭsia ŭ śviadomaści. Paciarpieły byŭ dastaŭleny ŭ balnicu, dzie praź dźvie hadziny pamior.
— Paduška biaśpieki pasažyra spracavała, a kiroŭcy — nie, — udakładnili ŭ
Raspačataja kryminalnaja sprava. Viadziecca śledstva.
Kamientary