Za foty ź plušavym miškam žurnalistak aštrafavali na 3 młn rubloŭ

Ich abvinavacili ŭ niezakonnym pikietavańni (fatahrafańni ź plušavym miadźviedziam) i aštrafavali na 30 bazavych vieličyń kožnuju (pa 3 młn rubloŭ).

14:59

Julija Daraškievič taksama aštrafavanaja na 30 bazavych (3 młn rubloŭ).

14:50

U sudzie abvieščany pierapynak na vyniasieńnie prysudu. Dźmitryj Paŭlučenka nakiravaŭsia ŭ daradčy pakoj, paviedamlaje baj.by

14:40

Advakat žurnalistki prosić spynić spravu, bo Daraškievič pravodziła zdymku ŭ miescy, u jakim jana nie zabaroniena, paviedamlaje baj.by

14:30

Julija Daraškievič zapatrabavała vyklikać u sud u jakaści śviedki Irynu Koźlik. Byŭ abvieščany pierapynak, ale žurnalistku "Kamsamolskaj praŭdy" ŭ sudzie nie znajšli, tamu sudździa pierajšoŭ da vyvučeńnia piśmovych materyjałaŭ spravy.

Advakat paprasiła supracoŭnikaŭ milicyi ŭzhadać akaličnaści zatrymańnia. Milicyjanty kažuć, što detalaŭ nie pamiatajuć.

14.20

Julija Daraškievič davodzić u sudzie, što maje prava na zdymku ŭ tym miescy, dzie jaje zatrymali. Matyvuje heta tym, što na miescy zatrymańnia niama znakaŭ pra zabaronu zdymak, paviedamlajuć pravaabaroncy z zały suda.

U pracesie suprać Julii Daraškievič vystupajuć tyja ž śviedki, što i na papiarednim. Alaksandr Suchalot kaža, što zatrymlivali žurnalistak razam z naparnikam i pradstaŭnikami Savieckaha RUUS. U hety ž čas sama Daraškievič zajaviła, što milicyjantaŭ było siamiora: čaćviora u formie i troje ŭ cyvilnym.

Aproč hetaha Daraškievič paśpieła raspavieści, što noč ź Irynaj Koźlik jany ŭsio ž praviali na Akreścina. Pierad hetym u milicyi ŭ žurnalistak uziali tłumačeńni i dali na podpis hatovy pratakoł, ź jakoha jany i daviedalisia pra abvinavačańnie, paviedamlaje sajt BAŽa.

13:20

Pačali sudzić Juliju Daraškievič. Sudździa dazvoliŭ žurnalistcy karystacca pasłuhami advakata i abviaściŭ pierapynak na 10 chvilin dla aznajamleńnia z materyjałami spravy, paviedamlaje sajt BAŽa.

13:12

Irynu Koźlik pryznali, što ŭdzielničała ŭ pikietavańni, nie ŭzhodnienym ź Minharvykankamam.

Štraf — 30 b.v. (3 młn rubloŭ) — maksimalna mahčymy, pavodle hetaha artykuła.

Jana vyzvalenaja.

Pačaŭsia sud nad Julijaj Daraškievič. Sudździa — taksama Dz. Paŭlučenka

11:55

Skončyŭsia praces nad Irynaj Koźlik, sudździa Dźmitryj Paŭlučenka abviaściŭ pierapynak na vyniasieńnie prysudu.

Sudździa abviaściŭ pierapynak, kab vynieści rašeńnie.

11:40

Pratakoł suprać Iryny Koźlik: Mieła ŭ ruchach tabličku z nadpisam «U Biełarusi surjoznaja prablema sa svabodaj słova. Niaŭžo Łukašenka pasadzić plušavych miadźviedzikaŭ?».

11:51

Śviedka Siarhiej Šelest, kamandzir adzialeńnia achovy, kaža, što adna z žurnalistak niešta havaryła, druhaja — fatahrafavała, paviedamlaje Janina Mielnikava.

11:22

Iryna Koźlik znajomicca z materyjałami spravami.

Kamandzir amonaŭcaŭ Suchalet śćviardžaje, što jaho supracoŭniki byli ŭ formie i pradstavilisia.

Jany vyrašylii, što dziaŭčaty ładzili pikietavańnie, tamu što byŭ miadźviedź i jany razmaŭlali.

Paviedamlaje ŭ svaim fejsbuku Janina Mielnikava, jakaja trapiła ŭ zału suda.

11:00

Žurnalistak zaviali ŭ sud, bolš tudy nikoha nie puskajuć.

Dziaŭčat buduć sudzić za pikiet šlacham fatahrafavańnia.

Pieršaj sudziać žurnalistku «Kamsamolskaj praŭdy» Iru Koźlik.

Sudździa D. Paŭlučenka.

10.28

Dziaŭčat pryvieźli ŭ lehkavym aŭtamabili ŭ sud Savieckaha rajona.

Noč jany praviali ŭ Savieckim RUUS.

Milicyja ačapiła ŭ radyusie 4 mietraŭ lehkavik, dziaŭčat nie puskajuć. Žurnalisty čakajuć.

Žurnalisty pryjechali na sud Daraškievič i Koźlik

10:10

Kala budynka suda sabrałasia bolš za dva dziasiatki žurnalistaŭ-kalehaŭ. Dziaŭčat jašče nie pryvieźli.

Niekatoryja žurnalisty ŭ majkach «No picture — no problem», majkach z vyjavaj miadźviedzikaŭ, abo ź plušavymi — nie šviedskimi! — miadźviedziami.

A 9.20 padjechaŭ pieršy aŭtazak. Milicyjanier kaža: «Nie fotkajcie, heta nie vašyja». «A kali pryviazuć našych?» «Nie mahu viedać».

Žurnalisty čakajuć.

Nijakaj infarmacyi pakul u sudzie niama.

***

Dziaŭčat zatrymali viečaram u sieradu ŭ 18:30 u centry Minska, la Pałaca mastactvaŭ. Žurnalistak źvinavacili ŭ niesankcyjanavanym fłešmobie — jany, śćviardžajecca, fatahrafavalisia ź miadźviedzikami na znak padtrymki zatrymanych Surapina i Bašarymava.

Viečar i, praŭdapadobna, dziaŭčaty praviali ŭ Savieckim RUUS.

Juliju i Irynu abvinavačvajuć u niezakonnym pikietavańni (23.34 — KoAP), što karajecca abo štrafam da 3 młn rubloŭ, abo administracyjnym aryštam da 15 sutak.

* * *

Nahadajem, žurnalisty ładziać akcyju salidarnaści z zatrymanym Antonam Surapinym, jaki pieršym apublikavaŭ fotazdymki miadźviedzikaŭ, skinutych nad Biełaruśsiu sa šviedskaha samalota. Chłopca z 13 lipienia trymajuć u SIZA KDB i vinavaciać u dapamozie šviedam, jakija parušyli dziaržaŭnuju miažu Biełarusi. Pa hetaj ža spravie z 6 lipienia znachodzicca ŭ SIZA KDB ryełtar Siarhiej Bašarymaŭ.

• 0
• 0
• 0
• 0
• 0
• 0
• 0
• 0