Lidar Ruchu «Za Svabodu» nie zarehistravany kandydatam u deputaty pa Uručanskaj akruzie Minska.
«Naša Niva»: Jak Vy acenicie rašeńnie akruhovaj kamisii?
Alaksandr Milinkievič: Ułada dziejničaje kirujučysia metazhodnaściu, a nie zakonam. Podpisy, što my zdali, praviarali dźvie hrupy hrafołahaŭ z MUS. U ich nie było pretenzij da samich podpisaŭ, a tolki da taho, ci toj rukoj pastaŭlena data. Čaplalisia jak mahli. Kali b jany razumieli važnaść pakrokavaha narmalizavańnia stasunkaŭ z Zachadam, to bačyli b nieabchodnaść znachodžańnia ŭ parłamiencie ludziej ź inšym mierkavańniem. Ja dumaŭ, što jany ŭžo da hetaha saśpieli, ale zusim nie saśpieli.
«NN»: Vialiki pracent podpisaŭ zabrakavali?
AM: Spačatku praviarali 200 podpisaŭ. Paśla na dadatkovuju pravierku ŭziali jašče 150. Z hetych 350 — 99 byli pryznanyja niesapraŭdnymi. Ale absalutnaja łuchta. U majoj kamandzie pracavali daśviedčanyja ludzi, jakija pravodziać nie pieršuju kampaniju.
«NN»: Rasstroilisia?
AM: Viedajecie, tak. Nie tamu, što vieryŭ u spraviadlivaść. A tamu, što chaču pracavać ź ludźmi. Vielmi chaciełasia jarka pravieści druhuju fazu kampanii. Zrešty, budu pracavać i biez vybaraŭ: sustrakacca ź ludźmi, jeździć pa krainie. Mnie zdavałasia, što ŭłady bolš ćviaroza aceńvajuć svaje siły. Hatovyja pajści na niejkuju evalucyju, hulniu ŭ demakratyju, kali nie chočacie. Nie iduć. Sami ž robiać sabie škodu.
«NN»: Budziecie padavać skarhu?
AM: Tak, kaniečnie. Chacia nie nadta vieru, što pazicyja akruhovaj kamisii nadta adroźnivajecca ad pazicyi CVK.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary