Prykmietaj siońniašniaj «palityzavanaj» častki biełaruskaha vebu ŭsio čaściej robiacca zakliki i pramovy ad imia nieviadomych «patryjotaŭ radzimy», jakija vykazvajucca ad imia ŭłady abo pryŭładnych strukturaŭ.
Nikoha ŭžo nie ździŭlajuć listy ad «patriotov Biełarusi», jakija paru raz na hod źjaŭlajucca na «Biełaruskim Partyzanie» abo staroncy AHP. Ź nie mienš rehularnaj častatoj hučać zajaŭleńni pra toje, što aŭtary hetych listoŭ - zusim nie supracoŭniki KDB, a niejkija «apazicyjaniery» - što charakterna, demistyfikujuć ich jak ułady, tak i «niezaležnyja analityki».
Ale vobraz «patriota Biełarusi», pa ŭsim vidać, pazicyj sastupać nie źbirajecca i zavajoŭvaje narodnuju luboŭ. Da prykładu, siońnia na sajcie telekanału ANT niadoŭhi čas pravisieła pranizvajučaje ščyraściu pryznańnie:
«Nas zastavlajut vam vrať. S uvažienijem, sotrudniki ONT, patrioty Biełarusi».
Zvarot pravisieŭ niadoŭha, užo praz poŭhadziny paśla taho, jak kaleha dasłaŭ na jaho spasyłku, na staroncy pavisła siratlivaja abjava «Novosť otsutstvujet». Adnak možna zdahadacca, što dzirak u abaronie sajtaŭ šmat jakich dziaržaŭnych abo paŭdziaržaŭnych struktur šmat, i kali siońnia achviaraj staŭ sajt ANT, ništo nie pieraškodzić zaŭtra vybrać inšuju miedyjnuju staronku dla čarhovaha «patryjatyčnaha zakliku»…
Drukavańnie lubych padobnych listoŭ, roŭna jak i inšyja «niavinnyja» chakierskija zabavy, - sprava ŭ śviecie nie novaja. Prykładam, jašče ŭ 1998 hodzie kitajskija i indaniezijskija ŭłady viali kryminalny pošuk suprać aktyvistaŭ, jakija ŭzłamvali staronki aficyjnych administracyj u znak pratestu suprać parušeńnia pravoŭ čałavieka. Nastupstvy dla palityčnych chakieraŭ u śviecie vahajucca ad štrafaŭ da turemnych terminaŭ.
Adnak Biełaruś, chacia i ŭvachodzić u śpis krainaŭ ź Internet-cenzuraj, niahledziačy na ŭskładnieńnie zakanadaŭstva ŭ śfiery Internet, pakul nie mieła prykładaŭ sudovych spravaŭ suprać najmieniej łajalnych karystalnikaŭ. Jana traplaje ŭ śpis «niepryjaznych Internetu» krainaŭ chutčej z-za filtracyi kantentu ŭ dni bujnych palityčnych padziej abo z-za niepryjazna vysokich koštaŭ na Internet-suviaź.
Cikava, ci pryviaduć «hulni patryjotaŭ» da bolej rašučych krokaŭ pa abmiežavańni svabody zvyčajnych internet-karystalnikaŭ u Biełarusi, navat nie zvažajučy na toje, što bolšuju aktyŭnaść u hetym vypadku moža prajavić biełaruskaja dyjaspara…? Adkaz na heta možna ŭžo zaraz pašukać y tekście zakonaprajekta «Ab infarmacyi, infarmatyzacyi i abaronie infarmacyi»…
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary