Siońnia ŭ Minsku śviatkujuć Dzień Horada

Žychary i hości stalicy śviatkujuć Dzień horada — 945 hadoŭ z momantu pieršaha zhadvańnia Minska ŭ «Apovieści minułych hadoŭ».

U miežach Dnia horada projdzie prykładna 70 mierapryjemstvaŭ, paviedamlaje Minharvykankam.

Pavodle tradycyi śviata pačniecca ŭ 11.00 z uskładańnia kvietak da abieliska «Minsk — horad-hieroj» pradstaŭnikami ŭłady i hramadskich arhanizacyj.

Apoŭdni kala Nacyjanalnaj biblijateki adkryjecca vystava-kirmaš vyrablenych u Minsku tavaraŭ. Na scenie buduć vystupać falkłornyja kalektyvy.

U hety ž čas śviatočnyja mierapryjemstvy pačnucca ŭ inšych miescach centra horada. Tak, u Trajeckim pradmieści z 12.00 da 20.00 projdzie śviata vuličnaj muzyki. Na ŭdzieł u im padali zajaŭki ŭžo bolš za 50 muzykantaŭ i kalektyvaŭ, jakija vystupiać u roznych žanrach na siami placoŭkach.

Kala Pałaca sportu budzie arhanizavana spartyŭnaje śviata i vystupleńni maładziožnych kalektyvaŭ — jany buduć doŭžycca da 21.00.

Śviata siaredniaviečnaj kultury z udziełam pradstaŭnikoŭ rycarskich kłubaŭ projdzie z 12.00 da 19.00 u zialonaj zonie na ŭčastku pamiž abieliskam «Minsk — horad-hieroj» i Pałacam sportu.

U ratušy ŭ 12.30 adkryjecca vystava «Kniha-2012», pryśviečanaja Hodu knihi. Tut buduć pakazany staradruki, vydańni kanca XVIII — pačatku XX stahodździaŭ, a taksama knihi biełaruskich vydaviectvaŭ pra Minsk, na staronkach jakich aśviatlajecca historyja horada z najstaražytnych časoŭ da siońniašniaha dnia.

Z 17.00 da 18.30 u ratušy projdzie cyrymonija ŭručeńnia ŭznaharod «Minčanin hoda». Videatranślacyju možna budzie ŭbačyć na ekranie, ustanoŭlenym na Ratušnaj płoščy.

Niekalki sceničnych placovak buduć pracavać u parku Pieramohi. Z 12.00 da 18.00 tut projdzie śviata «Vianok nacyjanalnych kultur», a

ŭ 18.00 pačniecca prahrama z udziełam artystaŭ biełaruskaj estrady, jakaja zavieršycca ŭ 22.00 fiejervierkam.

Sioleta na Dni horada buduć zadziejničany dźvie novyja placoŭki — u skviery Janki Kupały i na vulicy Karła Marksa. U skviery z 12.00 da 19.00 projdzie śviata «Pieśniary rodnaha kraju», pryśviečanaje 130-hodździu z dnia naradžeńnia Janki Kupały i Jakuba Kołasa. U vykanańni dramatyčnych artystaŭ i samadziejnych dekłamataraŭ prahučać vieršy biełaruskich kłasikaŭ, a ŭ vykanańni muzykantaŭ — pieśni, stvoranyja na vieršy Kupały i Kołasa.

Śviata maładziožnaj kultury budzie arhanizavana z 12.00 da 20.00 na piešachodnaj vulicy Karła Marksa. Tut vystupiać nieprafiesijnyja artysty i muzykanty, projdzie vystava-prodaž modnych samarobnych aksiesuaraŭ.

Śviatočnyja mierapryjemstvy projduć taksama na vulicach Revalucyjnaj i Kamsamolskaj, dzie budzie rekanstrujavany haradski pobyt XIX stahodździa, a ŭ dvorykach adbuducca muzyčnyja, teatralnyja vystupleńni, majstar-kłasy pa narodnym mastactvie, vystavy mastakoŭ i h.d.

Vialiki śviatočny kancert opiernaj muzyki možna budzie pahladzieć z 19.00 da 21.00 kala Nacyjanalnaha akademičnaha Vialikaha teatra opiery i baleta.

Śviatočnyja mierapryjemstvy projduć i ŭ kožnym rajonie horada.

9 vieraśnia śviatkavańni atrymajuć praciah u haradskich parkach.

U miescach masavych hulańniaŭ u hetyja dni buduć arhanizavany vyjazny handal i kirmašy.

Treba adznačyć, što napiaredadni Dnia horada ŭ Minsku byli zatrymany i asudžany pavodle abvinavačańnia ŭ drobnym chulihanstvie aktyvisty maładziožnaha apazicyjnaha ruchu:

• 0
• 0
• 0
• 0
• 0
• 0
• 0
• 0