Fotareparcioraŭ ahienctvaŭ i niezaležnych haziet nie akredytavali na «Dažynki»
Ułady druhi hod zapar abmiažoŭvajuć pracu reparcioraŭ na śviacie ŭradžaju.
Šerah fotareparcioraŭ niezaležnych vydańniaŭ i zamiežnych ahienctvaŭ nie atrymali akredytacyju na aśviatleńnie śviatkavańnia «Dažynak» u Horkach 21—22 vieraśnia.
Pa našaj infarmacyi, mahčymaści aficyjna pracavać na śviacie ŭradžaju pazbavili fotakarespandenta «Našaj Nivy» Siarhieja Hudzilina, Siarhieja Hryca (Associated Press), Taćcianu Ziankovič (EPA), Viktara Dračova (AFP). Mahčyma, hety śpis nie poŭny.
Heta nie pieršaje surjoznaje abmiežavańnie ŭ pracy reparcioraŭ na śviacie ŭradžaju. Hod tamu na «Dažynkach» u Maładziečnie zabaranili ŭvachod na terytoryju hulańniaŭ z fota- i videaaparaturaj z abjektyvam zvyš 4 sm.
«Heta było patrabavańnie słužby biaśpieki prezidenta», — patłumačyŭ tady žurnalistam pres-sakratar adździełu ŭnutranych spravaŭ Minskaha abłvykankama Alaksandr Danilčanka. Pracavać na śviacie zmahli tolki akredytavanyja pry administracyi Łukašenki zdymačnyja hrupy i fotareparciory.
Hladzi taksama: Repartaž z «zabaronienaha horada»
Paśla 2020-ha ad Jarmošynaj admoviŭsia navat sadoŭnik, jaki stryh jaje kusty ŭ Drazdach4
Kamientary