Na 1,1% vyraśli spažyvieckija ceny ŭ Biełarusi z 1 pa 18 vieraśnia, paviedamiŭ Nacyjanalny statystyčny kamitet.
Najbolšy pryrost cen z pačatku miesiaca adznačany na pšaničnuju muku, alej (3,1%), žyviolnaje masła (3%), harełku (2,9%), kurynyja jajki (2,5%), małako i małočnyja pradukty, paŭfabrykaty ź miasa ptuški, prasianyja krupy (2,4%), žyvuju rybu (1,8%), miasnyja kansiervy, suchija małočnyja sumiesi dla dziciačaha i dyjetyčnaha charčavańnia (1,7%), majanez (1,3%), paŭvendžanuju kaŭbasu (1,2%), kandytarskija vyraby, sol (1,1%), bieskaściovuju jałavičynu, chleb i chlebabułačnyja vyraby (1%), tkaniny (1,3%), pasłuhi vyšejšaj adukacyi (20,3%), bytavyja pasłuhi (1,7%).
Siezonnaje źnižeńnie cen adznačana na płodaaharodninnuju pradukcyju: ceny na morkvu pamienšylisia na 17,7%, buraki — na 11,2%, bulbu — na 8,4%, repčatuju cybulu — na 8,1%, śviežuju biełakačannuju kapustu — na 7,6%, jabłyki — na 15,8%. U toj ža čas ceny na pamidory vyraśli na 4,2%, cytrusavyja — na 4,4%, banany — na 23,3%.
Zastudzień-žnivień ceny vyraśli na 14,6%, z ulikam 18 dzion vieraśnia — na 15,9%.
Pa vynikach hoda ŭrad raźličvaje ŭtrymać inflacyju ŭ miežach 19–22%. U 2011 hodzie spažyvieckija ceny vyraśli na 108,7%.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary