Centralnaja vybarčaja kamisija nie stała razhladać skarhu namieśnika staršyni ruchu «Za Svabodu» Juryja Hubareviča na pryznańnie niesapraŭdnymi vynikaŭ parłamienckich vybaraŭ pa staličnaj Frunzienskaj vybarčaj akruzie № 101.
Jak paviedamlaje
Akramia taho, Centralnaja kamisija prainfarmavała, što padstavaj dla admieny vynikaŭ vybaraŭ pa akruzie mohuć być tolki parušeńni, jakija paŭpłyvali na vyniki vybaraŭ abo nie dazvolili vyjavić sapraŭdnuju volu vybarščykaŭ. Na dumku CVK, takich parušeńniaŭ zafiksavana nie było.
Hubarevič nazvaŭ adkaz z Centrvybarkama prahnazujemym.«CVK navat nie paturbavała siabie pravierkaj faktaŭ, jakija byli vykładzienyja ŭ skarzie, a ich było bolš čym dastatkova, kab nie zaćviardžać vyniki vybaraŭ pa Frunzienskaj vybarčaj akruzie», — skazaŭ jon.
Hubarevič paviedamiŭ, što ciapier čakaje adkaz z Hienprakuratury na anałahičnuju zajavu. «Kali Hienprakuratura taksama admovicca razhladać naš zvarot pa sutnaści, to ŭ nas zastaniecca adzin šlach — padavać u sud na dziejańni akruhovaj kamisii z ukazańniem usich faktaŭ, vykładzienych u skarzie», — adznačyŭ jon.
Nahadajem, pradstaŭniki ruchu «Za Svabodu», Partyi BNF, kampanii «Havary praŭdu!» i jaje maładziožnaha kryła «Zmiena» arhanizavali ŭ vybarčaj akruzie № 101 kampaniju bajkotu. U jaje ramkach pravodziłasia nazirańnie amal na ŭsich vybarčych učastkach akruhi. U vyniku, na dumku naziralnikaŭ, jaŭka vybarščykaŭ pa akruzie skłała 35,7%.
Kamientary