U hrodzienskich tralejbusach možna budzie zhulać viasielle i pastralać
Tralejbusnaje ŭpraŭleńnia pašyryć śpis dadatkovych pasłuh niezvyčajnymi prapanovami.
U Hrodnie źjaviacca viasielny i dziciačy tralejbusy, a taksama tralejbusy-ciry. Kiraŭnik vobłaści Siamion Šapira daručyŭ arhanizavać dadatkovyja pasłuhi na bazie tralejbusnaha ŭpraŭleńnia, paviedamlaje BIEŁTA.
Siońnia ŭpraŭleńnie prapanuje raźmiaščać hukavuju rekłamu, zdaje tralejbusy ŭ arendu, adnak hetyja pasłuhi nie prynosiać dastatkovaha prybytku.
U toj ža čas u horadzie jość popyt na novyja formy baŭleńnia času. Niekalki mašyn zamiest śpisańnia kiraŭnik vobłaści daručyŭ nakiravać na dapracoŭku. Paśla čaho tralejbusy pavinny pasłužyć jašče hrodziencam u niazvykłaj jakaści.
Na viasielnym tralejbusie zmohuć pakatacca pa horadzie maładyja z haściami, u im budzie viasielny stoł, i muzyka, miescy dla žanicha i niaviesty, dekaracyi.
Dziciačy tralejbus pryznačany dla samych maleńkich i budzie prapanoŭvacca jak u arendu, tak i katać dziaciej pa horadzie pa śviatach.
Akramia taho, dźvie staryja mašyny daručana pieraabstalavać pad pierasoŭnyja ciry, što było papularnaj praktykaj raniej.
Tralejbusy-ciry, chutčej za ŭsio, možna budzie pabačyć niedaloka ad navučalnych ustanovaŭ, u ich paśla zaniatkaŭ zmoža bavić čas moładź.
Taksama sa śpisanych madelej adna zastaniecca žyć u tralejbusnym parku ŭ jakaści raryteta, kab pakazvać junym hrodziencam, na čym raniej jeździli pa horadzie ich baćki.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary