Тралейбуснае ўпраўлення пашырыць спіс дадатковых паслуг незвычайнымі прапановамі.
У Гродне з’явяцца вясельны і дзіцячы тралейбусы, а таксама тралейбусы-ціры. Кіраўнік вобласці Сямён Шапіра даручыў арганізаваць дадатковыя паслугі на базе тралейбуснага ўпраўлення, паведамляе БЕЛТА.
Сёння ўпраўленне прапануе размяшчаць гукавую рэкламу, здае тралейбусы ў арэнду, аднак гэтыя паслугі не прыносяць дастатковага прыбытку.
У той жа час у горадзе ёсць попыт на новыя формы баўлення часу. Некалькі машын замест спісання кіраўнік вобласці даручыў накіраваць на дапрацоўку. Пасля чаго тралейбусы павінны паслужыць яшчэ гродзенцам у нязвыклай якасці.
На вясельным тралейбусе змогуць пакатацца па горадзе маладыя з гасцямі, у ім будзе вясельны стол, і музыка, месцы для жаніха і нявесты, дэкарацыі.
Дзіцячы тралейбус прызначаны для самых маленькіх і будзе прапаноўвацца як у арэнду, так і катаць дзяцей па горадзе па святах.
Акрамя таго, дзве старыя машыны даручана пераабсталяваць пад перасоўныя ціры, што было папулярнай практыкай раней.
Тралейбусы-ціры, хутчэй за ўсё, можна будзе пабачыць недалёка ад навучальных установаў, у іх пасля заняткаў зможа бавіць час моладзь.
Таксама са спісаных мадэлей адна застанецца жыць у тралейбусным парку ў якасці рарытэта, каб паказваць юным гродзенцам, на чым раней ездзілі па горадзе іх бацькі.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай29
Каментары