Pryrost biełaruskaha VUP za studzień—kastryčnik skłaŭ 2,2%
Vałavy ŭnutrany pradukt (VUP) Biełarusi za studzień—kastryčnik 2012 hoda vyras na 2,2% u paraŭnańni z anałahičnym letašnim pieryjadam i skłaŭ 408,3 trłn. rubloŭ, paviedamili BiełaPAN u Nacyjanalnym statystyčnym kamitecie.
Razam z tym nazirajecca zapavoleńnie tempu rostu VUP: u studzieni hetaha hoda ŭ paraŭnańni sa studzieniem 2011-ha jon vyras na 3,6%, u studzieni—lutym i studzieni—sakaviku — na 3%, studzieni—krasaviku — na 2,9%, u studzieni—mai — na 3,1%, u studzieni—červieni — na 2,9%, u studzieni—lipieni — na 2,8%, u studzieni—žniŭni — na 2,5%, u studzieni—vieraśni — na 2,5%. U 2011 hodzie ŭ paraŭnańni z 2010-m pryros VUP skłaŭ 5,3% pry płanie 9—10%. U 2012 hodzie, pavodle płanaŭ urada, VUP pavinien vyraści ŭ paraŭnańni z 2011-m na 5—5,5%.
Vytvorčaść pramysłovaj pradukcyi za studzień—kastryčnik pavialičyłasia na 6,6% (hadavy prahnoz — 6—7%) da 524 trłn. rubloŭ. Udzielnaja vaha inavacyjnaj pradukcyi ŭ ahulnym abjomie adhružanaj pradukcyi skłała 17,2% (13,5—14,5%).
Vypusk sielhaspradukcyi haspadarkami ŭsich katehoryj vyras na 5,2% (4—5%), sielhasarhanizacyjami — na 6%.
Inviestycyi ŭ asnoŭny kapitał skaracilisia na 13,5% da 116,3 trłn. rubloŭ. Uviedziena ŭ ekspłuatacyju 3 młn. 658,4 tys. kv. mietraŭ žylla (na 13,5% mienš za letašni pakazčyk).
Abjom pieravozki hruzaŭ transpartam (uklučajučy trubapravodny) pamienšyŭsia na 2,6% da 386,4 młn. ton, roźničny tavaraabarot vyras na 12,3% i skłaŭ 162,4 trłn. rubloŭ.
Spažyvieckija ceny pavysilisia ŭ kastryčniku ŭ paraŭnańni ź vieraśniem na 1,8%, z pačatku hoda — na 18,1%, u paraŭnańni z kastryčnikam 2011 hoda — na 30,6%.Ceny vytvorcaŭ pramysłovaj pradukcyi ŭ kastryčniku ŭ paraŭnańni ź vieraśniem pavialičylisia na 1,8%, z pačatku hoda — na 18,1%, u paraŭnańni z kastryčnikam 2011 hoda — na 42%.
Realnaja zarpłata ŭ vieraśni ŭ paraŭnańni sa žniŭniem pamienšyłasia na 1%, da vieraśnia 2011 hoda pavialičyłasia — na 30,5%.
Kamientary