U piatnicu‑subotu prajšli matčy treciaha turu čempijanatu Biełarusi pa futbole.
U piatnicu‑subotu prajšli matčy treciaha turu čempijanatu Biełarusi pa futbole. Paśla hetych sustreč u pieršynstvie źjaviŭsia adnaasobny lider. Im staŭ letašni čempijon BATE. Barysaŭcy ŭ Viciebsku minimalna pieramahli miascovy klub. Adziny hoł u druhim tajmie zabiŭ najlepšy bambardzir čempijanatu Hienadź Bliźniuk. «Viciebsk» ža paśla hetaj parazy skaciŭsia na apošni radok turnirnaj tablicy. Adrazu paśla hulni z čempijonam u adstaŭku byŭ adpraŭleny hałoŭny trener «Viciebsku» rasiejec Andrej Čarnyšoŭ. Jaho miesca zojmie najlepšy futbalist Biełarusi minułaha stahodździa Siarhiej Alejnikaŭ, jaki apošnija hady žyŭ u Italii.
Jak i «Viciebsk», punktaŭ u tablicy pakul nia maje navapołacki «Naftan». Kamanda Viačasłava Akšajeva u subotu doma nie zmahła spravicca z salihorskim «Šachcioram» – 0:2. Abodva hały zabiŭ Alaksandar Klimienka.
Nadzvyčaj pryncypovy matč prachodziŭ u Kuncaŭščynie, dzie «Daryda» prymała mienskaje «Dynama». Paprostu paśla dvuch turaŭ abiedźvie kamandy raźmiaščalisia ŭnizie tablicy i pieramoha ŭ hetym matčy była vielmi nieabchodnaja i tym, i tym. «Darydzie» pašancavała bolej – 1:0 na jaje karyść, pry hetym «dynamaŭcy» zabili hoł sami sabie. Paśla čarhovaj parazy pazycyi hałoŭnaha trenera «Dynama» Alaksandra Chackieviča padajucca vielmi chistkimi.
U centralnym matčy turu syšlisia «Homiel» i MTZ‑RIPA. Hamielčuki paśla pieršaha tajmu vyjhravali 2:0, ale pieramohu ŭtrymać nie zmahli. Za chvilinu da pierapynku ničyju vyrvaŭ Viačasłaŭ Hleb – 2:2.
Žodzinskija «tarpedaŭcy», prajhrajučy pa chodu matča, zmahli pierajhrać «Miensk» – 2:1.
Astatnija matčy turu prynieśli ničyjnyja vyniki: «Smurhoni» – «Nioman» 0:0, «Dynama» (Bieraście) – «Dniapro» 1:1.
Turnirnaja tablica vyhladaje nastupnym čynam: BATE – 9 punktaŭ, «Šachcior», MTZ‑RIPA – pa 7, «Homiel», «Tarpeda», «Dniapro» – pa 5, «Nioman», «Smurhoni», «Dynama» (Bieraście) – pa 4, «Miensk», «Daryda» – pa 3, «Dynama» (Miensk) – 1, «Naftan» i «Viciebsk» – 0.
Najlepšym bambardziram źjaŭlajecca Hienadź Bliźniuk (BATE) – 4 hały.
-
Futbolny biznes Lijanela Miesi: arhienciniec kuplaje ŭžo druhi ispanski kłub
-
«Pahadziŭsia dziela dački». Eks-futbalist zbornaj Biełarusi biare ŭdzieł u rasijskim šou «Tytany»
-
Biełaruska Karyna Kazłoŭskaja zavajavała na čempijanacie Polščy pa stralbie z łuka siem załatych miedaloŭ. Bolš prosta nie było
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary