Na Kanskim feście Pucina abvinavačvajuć u zabojstvie
U pazakonkursnuju prahramu Kanskaha kinafestu niečakana ŭklučany film pra śmierć Alaksandra Lićvinienki, atručanaha radyjoaktyŭnym palonijem.
Kanski fest prajšoŭ praz ekvatar. Užo byli pradstaŭlenyja stužki Vonha Kar Vaja i Dejvida Finčera, pakazany kinaalmanach 35 režyseraŭ, a krytyki spračajucca, chto atrymaje pryz: braty Koeny (“Dla starych tut miesca niama”), Has Van Sent (“Paranoid park”) ci abortalubnaja rumynskaja stužka Krystyjana Mundžu.
Raman Palanski paśpieŭ pasvarycca z žurnalistami, abvinavaciŭšy ich u hultajstvie j nieprafesijnaści, a Marcin Skarseze abviaściŭ pra stvareńnie Suśvietnaha fondu kino (dzie Ŭschodniaj Eŭropie – admysłovaja ŭvaha!).
Ale najbližejšaja subota abiacaje palityčny skandał. U pazakonkursnuju prahramu niečakana ŭklučanaja nie zajaŭlenaja raniej dakumentalnaja stužka “Bunt. Sprava Lićvinienki”.
Hetaja 53-chvilinnaja karcina źniataja režyseram Andrejem Niakrasavym – siabram Lićvinienki, jakoha atrucili radyjoaktyŭnym palonijem. Niakrasaŭ abvinavačvaje ŭ zabojstvie Ŭładzimiera Pucina, a taksama raspaviadaje pra rasiejskuju pavucinu karupcyi.
Arhanizatary festu abviaścili pra stužku tolki, kali fest dajšoŭ da siaredziny. Takaja sakretnaść źviazanaja z palityčnym źmiestam karciny. Darečy, Rasieja pradstaŭlenaja ŭ konkursie stužkami Źviahincava (“Vyhnańnie”) i Sakurava (“Alaksandra”).
U 2004 hodzie Kany ŭžo skidvali z pjedestała adnaho prezydenta – Majkł Mur vykryvaŭ Džordža Buša. Sioleta nadyšła čarha dla rasiejskaha kiraŭnika, da jakoha ŭ eŭrapiejcaŭ abvinavačvańniaŭ nia mienš.
U subotu buduć pradjaŭlenyja kinadokazy.
Pavodle sajtu Film.ru. Fota z sajtu Lenta.ru
«My dla ich — miasa». Palitviazień vyjšaŭ ź miełanomaj treciaj stadyi, jon ŭskładaje vinu na načalnicu sančaści i prymusovaje haleńnie hałavy2
Kamientary