Hadavina
Dziŭny, pačvarny anachranizm: demanstracyi, čyrvonyja hvaździki, pavietranyja balončyki, kino pra revalucyju ŭ televizary... SSSR, BSSR...
Niasłušna nazyvać Biełaruś “kamunistyčnym zapaviednikam” — kamunistam tut hetak sama ciažka, jak inšym. Paraŭnoŭvać Łukašenku z Hitleram ci Pinačetam uvohule śmiešna — tyja byli złodziejami. A hety — niedałuha. Viadzie dziaržavu ŭ «adzina mahčymym» kirunku, prosta nie ŭśviedamlajučy, što mohuć być inšyja. Ciapierašniaja RB śviata pilnujecca dziaržaŭnaj tradycyi BSSR. Pilnujecca ničoha i idzie ŭ nikudy, bo dziaržaŭnaj tradycyi BSSR nie było, bo BSSR — heta tolki čatary litary i šeść abłaściej pry poŭnaj adsutnaści dziaržaŭnaj, hramadzkaj, kulturnaj realnaści. BSSR biez SSSR — ništo. I RB jak pierajemnica BSSR — ništo biez nadbudovy-metrapolii. Voś Łukašenka i rviecca ŭ Rasieju. Jon musić napoŭnić pustuju, sparachniełuju formu novym źmiestam, nadbudavaŭšy novy sajuz — a choć by i nie savieckich sacyjalistyčnych — respublik.
Jak vyśvietliłasia, reč heta zusim niaprostaja, i ŭžo zaraz na jašče niestarym tvary Łukašenki časam vidać ščyraje, hłybokaje rasčaravańnie i kryŭdu. Chaciełasia b ubačyć hety tvar u toje imhnieńnie, kali nośbit jaho zrazumieje, konča i bieznadziejna, što paviarnuć historyju niemahčyma.
A pakul u Biełarusi jość takoje dziŭnaje śviata — hadavina kastryčnickaha pieravarotu ŭ Rasiejskaj imperyi.
Aleś Piatkievič
Kamientary