Ułady Barsiełony prapanujuć amal utraja pavialičyć turystyčny zbor dla pasažyraŭ kruiznych łajnieraŭ, jakija znachodziacca ŭ horadzie mienš za 12 hadzin. Kali inicyjatyvu ŭchvalić parłamient Katałonii, zbor vyraście z 11 da 30 jeŭra ŭ dzień, piša Euronews.
Pavyšanaja staŭka budzie dziejničać tolki dla kruiznych sudnaŭ, jakija zachodziać u port Barsiełony na karotki čas. Maršruty, što pačynajucca abo zakančvajucca ŭ Barsiełonie, pad novyja praviły nie trapiać, bo takija turysty zvyčajna daŭžej zastajucca ŭ horadzie, karystajucca hatelami, transpartam i inšymi pasłuhami.
Pa słovach haradskich uładaŭ, hałoŭnaja meta pavyšeńnia zboru — nie tolki papaŭnieńnie biudžetu, ale i strymlivańnie praźmiernaha kruiznaha turyzmu. Častka palitykaŭ ličyć, što heta dapamoža vyznačyć miesca kruiznych zachodaŭ u turystyčnaj stratehii Barsiełony. Inšyja prapanujuć abmiežavać ahulnuju kolkaść pasažyraŭ kruiznych łajnieraŭ, adnak adznačajecca, što realizavać takuju mieru budzie značna składaniej.
U razhar turystyčnaha siezona pasažyry kruiznych sudnaŭ składajuć kala 7,5% usich naviedvalnikaŭ Barsiełony za dzień, pry hetym u siarednim jany pravodziać u horadzie kala 5 hadzin 40 chvilin.
Suśvietnaja rada pa turyźmie i padarožžach (WTTC) raskrytykavała inicyjatyvu. U arhanizacyi papiaredzili, što rezkaje pavyšeńnie zboraŭ moža zrabić Barsiełonu mienš kankurentazdolnaj u paraŭnańni ź inšymi mižziemnamorskimi partami. Pavodle acenak WTTC, turysty mohuć pačać mienš tracić hrošaj padčas znachodžańnia ŭ horadzie abo vybirać inšyja maršruty.
Pavodle danych arhanizacyi, Barsiełona štohod prymaje kala čatyroch miljonaŭ pasažyraŭ kruiznych łajnieraŭ, a siarednija vydatki adnaho pasažyra, jaki pačynaje abo zaviaršaje kruiz u horadzie, składajuć kala 255 jeŭra. Tolki ŭ 2024 hodzie kruiznaja industryja pryniesła ŭ biudžet Barsiełony amal 12 miljonaŭ jeŭra ŭ vyhladzie padatkaŭ.
«Vyjšli z aŭtobusa i admovilisia ad tura». Biełarusy raskazali, jak miaža sapsavała im padarožža
U Jeŭropie praz ekstremalnuju śpiakotu zahinuli ŭžo dziasiatki ludziej
Japonija adrazu ŭ piać razoŭ pavialičvaje košt svaich viz
Dzie ŭ Jeŭropie samaja čystaja vada dla kupańnia? Apublikavany novy rejtynh plažaŭ
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary