Udzielnik haradzienskaha internet‑forumu pad nikam Serzhi uhledziŭ u roliku kampanii «BieST» zaklik da parušeńnia praviłaŭ darožnaha ruchu. DAI zreahavała…
Udzielnik haradzienskaha internet‑forumu pad nikam Serzhi uhledziŭ u roliku kampanii «BieST» zaklik da parušeńnia praviłaŭ darožnaha ruchu.
Serzhi nie spyniŭsia na abmierkavańni rekłamnaha klipa, a pajšoŭ dalej — napisaŭ listy, dzie źviarnuŭ uvahu na ahitacyju suprać vykanańnia praviłaŭ darožnaha ruchu, u Ministerstva infarmacyi, kampaniju «BieST», HUUS Minharvykankama, na sajt «Biełtelekamu», Ministerstva handlu, paviedamlaje Błog Horadni.
Mininfarmacyi spasłałasia na toje, što rehulavańnie rekłamy nie ŭvachodzić u kampietencyju ministerstva; ZAT «BieST» paviedamiła, što rolik źjaŭlajecca mastackaj zdymkaj z elemientami videamantaža; Minhandlu ŭstrymałasia ad adkazu.
Zvarot u HUUS Minharvykankamu pieranakiravali va Upraŭleńnie DAI MUS Biełarusi. Adtul Serzhi piśmova adkazali, što ZAT «BieST» vyniesiena pradpisańnie ab karekciroŭcy scenara rolika. «Z 1 červienia pakaz videarolika ažyćciaŭlajecca ŭ skaročanym farmacie biez demanstracyi siužetaŭ, niehatyŭna ŭpłyvajučych na śviadomaść udzielnikaŭ darožnaha ruchu», — havorycca ŭ liście za podpisam načalnika ŭpraŭleńnia Vasila Bulbiankova.
Nahadajem, što ŭ roliku kampanii «BieST» u padtrymku akcyi «Stań svaim» u aŭtamabil nabivajucca «svaje» ŭ kolkaści šaści čałaviek i sprabujuć uziać jašče dvaich. Serzhi źviarnuŭ uvahu nie tolki na heta, a jašče i na toje, što nichto z pasažyraŭ i navat kiroŭca nie karystajucca ramniami biaśpieki.
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary