Удзельнік гарадзенскага інтэрнэт‑форуму пад нікам Serzhi угледзіў у роліку кампаніі «БеСТ» заклік да парушэння правілаў дарожнага руху. ДАІ зрэагавала…
Удзельнік гарадзенскага інтэрнэт‑форуму пад нікам Serzhi угледзіў у роліку кампаніі «БеСТ» заклік да парушэння правілаў дарожнага руху.
Serzhi не спыніўся на абмеркаванні рэкламнага кліпа, а пайшоў далей — напісаў лісты, дзе звярнуў увагу на агітацыю супраць выканання правілаў дарожнага руху, у Міністэрства інфармацыі, кампанію «БеСТ», ГУУС Мінгарвыканкама, на сайт «Белтэлекаму», Міністэрства гандлю, паведамляе Блоґ Горадні.
Мінінфармацыі спаслалася на тое, што рэгуляванне рэкламы не ўваходзіць у кампетэнцыю міністэрства; ЗАТ «БеСТ» паведаміла, што ролік з’яўляецца мастацкай здымкай з элементамі відэамантажа; Мінгандлю ўстрымалася ад адказу.
Зварот у ГУУС Мінгарвыканкаму перанакіравалі ва Упраўленне ДАІ МУС Беларусі. Адтуль Serzhi пісьмова адказалі, што ЗАТ «БеСТ» вынесена прадпісанне аб карэкціроўцы сцэнара роліка. «З 1 чэрвеня паказ відэароліка ажыццяўляецца ў скарочаным фармаце без дэманстрацыі сюжэтаў, негатыўна ўплываючых на свядомасць удзельнікаў дарожнага руху», — гаворыцца ў лісце за подпісам начальніка ўпраўлення Васіля Бульбянкова.
Нагадаем, што ў роліку кампаніі «БеСТ» у падтрымку акцыі «Стань сваім» у аўтамабіль набіваюцца «свае» ў колькасці шасці чалавек і спрабуюць узяць яшчэ дваіх. Serzhi звярнуў увагу не толькі на гэта, а яшчэ і на тое, што ніхто з пасажыраў і нават кіроўца не карыстаюцца рамнямі бяспекі.
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў10
Каментары