14 listapada na Vietrynščynie (Połacki rajon) adkryli adrazu dva memaryjalnyja znaki.
Čarhovy raz inicyjataram ušanavańnia pamiaci słavutych ziemlakoŭ vystupiŭ miascovy krajaznaŭca Viktar Karasioŭ. Dva šmattonnyja vałuny z memaryjalnymi šyldami źjavilisia na miescy byłoha majontku (pobač ź vioskaj Dubroŭkaj), u jakim naradziłasia pieršaja žančyna-hieolah Biełarusi i tahačasnaj Rasiejskaj imperyi Hanna Misuna, i ŭ samim Vietrynie, na vulicy, jakaja ciapier nosić jaje imia. Pracujučy ŭ archivach, V.Karasioŭ znajšoŭ materyjały, jakija davodziać, što Misuna pachodzić ź Vietrynščyny, a nia z Čašnickaha rajonu, jak paznačana ŭ bolšaści encyklapedyjaŭ.
Hanna Misuna naradziłasia 12 listapada 1868 h. u siamji źbiadniełaje šlachty — Balasłava-Kazimiera i Maryi-Hanny Misunaŭ. Spačatku vučyłasia ŭ chatniaha nastaŭnika, paśla — pryvatnaja himnazija ŭ Ryzie, vučoba ŭ Maskvie. Z 1906 h. Hanna robicca asystentkaju pry hiealahičnym kabinecie Vyšejšych žanočych kursaŭ. Vynikam pieršych palavych daśledavańniaŭ žančyny-hieolaha stałasia praca «Materyjały da vyvučeńnia kancavych maren Litoŭskaha kraju». Misuna vyvučała hiealohiju centralnaj i zachodniaj Biełarusi, vyśvietliła stratyhrafiju ledavikovych adkładaŭ i vyjaviła siarod čaćviarcičnych utvareńniaŭ ślady niekalkich źledzianieńniaŭ. Zavieršyŭsia žyćciovy šlach Hanny Misuny ŭ 1922 h. u Maskvie, dzie jana i pachavanaja na Novadziavočych mohiłkach.
U mierapryjemstvach pa adkryćci memaryjalnych znakaŭ uziali ŭdzieł supracoŭniki Instytutu hiealohii Akademii navuk.
Vasil Krokva
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3030
Kamientary