Intelektuały popu — Alaksandra j Kanstancin — stali pieršymi ŭ historyi pradstaŭnikami Biełarusi na «Eŭrabačańni». Vyjhrali ci prajhrali, jakaja roźnica — pieršy blin možna j sabaku. Hałoŭnaje, my tam jość. My stali cikavyja sami sabie. Biełaruskaja maskultura naradžajecca. Hadami intelektuały zaklinali: maskultura, paŭstań. Voś jana naradžajecca, i navat za jaje nia soramna. «AiK» dobra łoviać aŭtentyčnuju narodnuju manieru śpievaŭ, choć kaladnuju pieśniu mohuć zaśpiavać jak viasnovuju. «Moj Halilej» — u joj jość drajv. Narmalny biełapop. Kab ža šče pa-biełarusku… A to You're my pier I'm here. Škada: usia Eŭropa mahła b pačuć, što heta za takaja biełaruskaja mova, melodyka-fanetyka. «AiK» — častka barysaŭskaha fenomenu. Niejki enerhietyčny vybuch adbyvajecca ŭ vajskova-turemnym horadzie, ź jakoha vyjšła za apošnija hady plejada palitykaŭ, biznesoŭcaŭ, piśmieńnikaŭ, muzykaŭ.
Fantastyka: Biełaruś pieražyvaje bum papularnaści biełaruskaje muzyki. A što tut niezvyčajnaha, spytaŭsia b palak ci estoniec. Ale ŭ našych palestynach dziva dziŭnaje. Biełaruskija hurty źbirajuć tysiačnyja zali! Klip za klipam, premjera za premjeraj! Hości! Montevidea! Mirny z Alesiaj!!! Adkul što ŭziałosia? Z 50% ajčynnaje muzyki na radyjo. Dziakuj klatamu Padhajnamu. I nichto nie narakaje, i nikomu nia stała horš. Heta — skieptykam biełaruskaha adradžeńnia.
49-y mižnarodny muzyčny konkurs «Eŭrabačańnie-2004» u Stambule pravodzicca ŭ žyvym efiry. Paŭfinał adbyŭsia ŭ sieradu, finał — u subotu 15 traŭnia a 21-j viečiera pa siarednieeŭrapiejskim časie. U konkursie biaruć udzieł 36 krainaŭ. Jon prachodzić u adnym z najbolšych u Stambule spartkompleksaŭ «Abdi Ipeksi Arena», z zalaj na 7500 miescaŭ. Deviz paneŭrapiejskaha šoŭ — «Pad adnym niebam». Štohod vidovišča pryciahvaje bolš za 100 miljonaŭ telehledačoŭ. Biudžet konkursu składaje 8,3 młn dalaraŭ.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary