Zazvyčaj u siaredzinie leta na šachmatnym froncie zacišša.
Sioleta, adnak, akramia memaryjału Vierasava ŭ Miensku, zaŭvažnaj padziejaj stalisia šachbatalii ŭ Viciebsku. Letaś abłasnaja federacyja vystupiła inicyjataram «načnoha maratonu» — blicturniru dla sapraŭdnych fanataŭ šachmataŭ, jakim u radaść pałochać ranišnich minakoŭ kvadratnymi vačyma. Sioleta dziakujučy pradprymalnamu Alaksandru Sarbaju na Dźvinie ładzilisia ažno try spabornictvy. Najcikaviejšym byŭ, biez sumnievu, «open» u dzieviać turaŭ dla majstroŭ, kandydataŭ i «hrosaŭ». Zusim u duchu «Słavianskaha bazaru» da nas prybyli rasiejcy z ukraincami. Adzin z haściej, rasiejski hrasmajstar Alaksiej Ilušyn, i zavajavaŭ pieršaje miesca, padzialiŭšy jaho ź mienskim kaleham Sieržukom Azaravym. Abodva nabrali pa 6,5 ačka. Haspadar placoŭki, rejtynh-favaryt Andrej Kavaloŭ (Elo 2550), pryjšoŭ tolki čaćviertym, adstaŭšy na paŭkroku.
Da dnia šachmat (20 lipienia) entuzijasty prymierkavali tradycyjnuju «švajcarku» iz skaročanym kantrolem. Ciesnaja zala pa mienskim adrasie K.Marksa, 10 nie ŭmiaščała ŭsich achvotnych. U vyniku pierakanaŭča pieramoh majstar Ihar Ratkovič — 7,5 bała z 9. Zrabiŭ sabie padarunak da 40-hodździa.
Kamientary