Adkryty list u Ministerstva infarmacyi ZŠA ad žycharoŭ Sadomavickaha rajonu, apracavany idealahičnym adździełam rajvykankamu
My, žychary Sadomavickaha rajonu, vykazvajem rašučy pratest u suviazi sa źjaŭleńniem u amerykanskaj presie publikacyjaŭ, što beściać maralnyja jakaści j dziełavuju reputacyju kiraŭnikoŭ našaha rajonu. Hazeta «Kapitalistyčnaja Ameryka» nadrukavała poŭny nieprychavanaj many paskvil «Sadomavičy ci Sadom?», u jakim było zbeščanaje dobraje imia staršyni Sadomavickaha rajvykankamu Sadamoŭskaha A.A.
Jak piša «KA», u časie bryfinhu, dadzienaha žurnalistam rajonnaj hazety «Recha Sadomu», staršynia zajaviŭ, što systematyčna i ŭ vyčvarenskaj formie damahajecca zahadčyka rajadździełu idealohii Hamaroviča I.I. i ŭsiaje radziny apošniaha. Bolš za toje, staršynia nibyta cynična paabiacaŭ uzmacnić seksualny ŭcisk na ideolaha, kali toj nie praviadzie pracu z dajarkami Hamoravickaj fermy, jakija psujuć rajonnuju spravazdačnaść pa nadojach. U vyniku ideolah byccam vymušany byŭ napisać zajavu z prośbaj pieravieści jaho ŭ inšaje miesca pracy. Tendencyjnaja i chłuślivaja «Kapitalistyčnaja Ameryka» nie była b saboj, kali b nie abiarnuła spravu ŭ palityčnaje rečyšča. «Darečy, Sadamovič byŭ adnym ź vielmi temperamentnych krytykaŭ palityčnych pracesaŭ u ZŠA, — piša «KA». — Jon nieadnarazova vystupaŭ pa pravadnoj radyjosietcy z adpaviednymi rezkimi zajavami. Napeŭna, kab pra jaho drenna nie padumali». Lišnie kazać, što asobnaj pravadnoj sietki rajon nia maje. Jana ŭ nas ahulnanacyjanalnaja, i vystupaje pa joj zusim nie Sadamovič A.A. Słova ž «bryfinh» mahło źjavicca tolki ŭ sapsavanaj hramadztvam spažyvańnia hałavie: staršynia štodnia zachodzić u redakcyju «Recha», kab zahadać, pra što pisać i jakija fatahrafii stavić u numar. Zajavu ž kiraŭnik adździełu idealohii napisaŭ nia ŭ suviazi z uciskam, a z pryčyny časovaha pierachodu ŭ abłasny alimpijski štab. Nivodnaha praŭdzivaha słova va ŭsioj publikacyi!
Poŭnaściu hety artykuł možna pračytać u papiarovaj i pdf-versii "Našaj Nivy"
Siarhiej Mikulevič
Kamientary