U Pakistanie zajavili, što Indyja źbirajecca na ich napaści ciaham 24-36 hadzin
Ministr infarmacyi Pakistana Atauła Tarar zajaviŭ, što Indyja płanuje ździejśnić vajennyja dziejańni suprać Pakistana na praciahu 24—36 hadzin, pra heta jon zajaviŭ u sietcy Ch sa spasyłkaj na raźviedźviestki.
«Pakistan maje dakładnyja raźviedvalnyja danyja pra toje, što Indyja maje namier ažyćciavić vajennyja dziejańni suprać Pakistana na praciahu nastupnych 24—36 hadzin. Lubaja ahresija sustrenie rašučy adkaz. Indyja budzie nieści poŭnuju adkaznaść za patencyjna katastrafičnyja nastupstvy ŭ rehijonie», — napisaŭ jon.
Napiaredadni ministr abarony Pakistana Chavadža Muchamad Asif zajaviŭ, što paśla niadaŭniaj ataki na turystaŭ u Kašmiry vajennaje ŭvarvańnie Indyi źjaŭlajecca amal niepaźbiežnym, što jašče bolš abvastraje napružańnie pamiž dźviuma jadziernymi dziaržavami.
23 krasavika 26 čałaviek zahinuli ŭ vyniku ŭzbrojenaha napadu bajevikoŭ na turystaŭ u horadzie Pachałham, raźmieščanym u indyjskim Kašmiry, što stała najbujniejšaj atakaj na mirnych žycharoŭ u rehijonie za apošnija hady.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary