Na pytańni «NN» adkazvaje Neli Ščasnaja, kiraŭnica spravaŭ Mienskaj haradzkoj arhanizacyi BSDH, upaŭnavažanaja prezydyjumu «Maładoj hramady» pa suviaziach z hramadzkimi arhanizacyjami i palityčnymi partyjami, kaardynatarka «Studenckaj inicyjatyvy».
«NN»: Mnie skazali, što heta ty prydumała lozunh biełaruskich sacyjalistaŭ «Tvajo serca źleva»?
Neli Ščasnaja: Jašče ŭ 1998 h. na seminary ŭ Kijevie, dzie prysutničali pradstaŭniki adnoj kanservatyŭnaj partyi, zdajecca, českaj, mnie zapomniŭsia adzin ichny plakat. Hety plakat ni da čoha nie zaklikaŭ, jon prosta pakazvaŭ sa śpiny čałavieka, jaki jedzie na eskalatary ŭ metro, i ŭnizie byŭ nadpis: «Dziakuj, što vy staicie sprava». I tady ja pačała dumać — jakaja ž moža być asacyjacyja z čymści levym, jakaja była b usim zrazumiełaja…
«NN»: Chadzić naleva, levy zarobak…
NŠ: Tak, mienavita takija asacyjacyi i prychodziać u hałavu, i mnie heta zusim nie padabałasia. I na zvarotnym šlachu ja padumała pra toje, što jość u kožnaha čałavieka. Heta — serca, uva ŭsich sensach, nia tolki ŭ fizyčnym. Tak i ŭźnik hety lozunh, i pryžyŭsia.
«NN»: U mianie takoje ŭražańnie, što žančyny ŭ palitycy ŭsio bolš źleva…
NŠ: Moža być, ja nie rabiła takich zamieraŭ. Peŭny sens u hetym chiba jość. U pryncypie, kanservatyŭnaja idealohija praduhledžvaje dla žančyny niejkaje vyznačanaje miesca. Levaja idealohija hetaha miesca nie praduhledžvaje, tamu, moža, žančynam tut lahčej realizavacca.
«NN»: Čym pryvabnaja levaja idealohija dla ciabie i čym moža być pryvabnaja dla Biełarusi levaja ideja?
NŠ: Ja liču, što idealohija — heta pieradusim ład žyćcia. Moj ład žyćcia bolš źviazany ź levymi kaštoŭnaściami.
Levaja ideja dla Biełarusi pryvabnaja tym ža, čym jana pryvabnaja va ŭsim śviecie. Pavodle sacapytańniaŭ, kali ludziej pytajucca pra kaštoŭnaści, to ŭ liku pieršych biełarusy staviać spraviadlivaść. Dla ich heta vielmi važna, bo jany tak doŭha žyvuć u atmasfery dvajnych standartaŭ, kuchonnych pryznańniaŭ i ŭ toj ža čas jaŭnaj sacyjalnaj chłuśni.
Spraviadlivaść — adna z važnych kaštoŭnaściaŭ dla mianie, jak i dla balšyni biełarusaŭ. Ludzi adčuvajuć, što niešta adbyvajecca nasupierak ich voli, jany adčuvajuć, što heta niespraviadliva ŭ dačynieńni da ich, da ich dziaciej.
«NN»: A nacyjanalnaja ideja?
NŠ: Mnie nia blizki nacyjanalizm, chacia ja i vučyłasia ŭ Biełaruskim licei — moj vypusk byŭ druhi. U luboj idealohii jość niejkija stanoŭčyja momanty. Čałaviek zaŭsiody vybiraje toje, što pasuje jamu. Niemahčyma być adnačasova i liberałam, i nacyjanalistam, i sacyjalistam. Heta nie maja niša, ja spakojnaja za toje, što hetaja niša ŭ nas zaniataja i jość ludzi, jakija hetym zajmajucca i ŭ jakich heta atrymlivajecca.
Mnie nie padabajecca i mianie vielmi mocna adšturchoŭvaje ŭ luboj kanservatyŭnaj idealohii staŭleńnie da inšych ludziej, da inšych u šyrokim sensie słova — da nacyjanalnych, seksualnych mienšaściaŭ i h.d. Ja liču, što kanservatyŭnaja idealohija, nacyjanalistyčnaja idealohija ahresiŭnaja pavodle svajoj sutnaści. I mnie heta zusim nia blizka.
«NN»: Voś Łukašenka — levy palityk…
Poŭny varyjant artykułu hladzicie ŭ hazecie "Naša Niva".
Hutaryŭ Aleś Piatkievič
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary