Šmat biełarusaŭ sačyli za chadoju vybaraŭ u jakaści naziralnikaŭ.
Naziralniki z našaj krainy da aficyjnych vynikaŭ staviacca skieptyčna. Eŭrapiejskaja sietka pa nazirańniach za vybarami ENEMO nakiravała 110 biełarusaŭ u samy ciažki rehijon — uschodni «čyrvony pas», dzie ŭvieś administracyjny resurs byŭ kinuty na zabieśpiačeńnie maksymalnaj jaŭki, što harantavała pieravahu Janukoviča.
Kali ŭ Biełarusi asnoŭnaje falšavańnie adbyvałasia ŭ časie daterminovaha hałasavańnia, dyk va Ŭkrainie — u časie hałasavańnia pa «admacavalnych talonach». Pa ŭsim uschodzie byli sfarmavanyja mabilnyja bryhady z prychilnikaŭ Janukoviča, kožny ź jakich mieŭ pa 5—7 admacavalnych talonaŭ i pa niekalki razoŭ hałasavaŭ na roznych učastkach. Naziralniki achryścili hetuju systemu «karusel». Biełaruskija naziralniki bačyli pad Danieckam, u Vaładarskim rajonie, jak miž učastkami kursavali aŭtobusy z usio tymi samymi «vybarcami».
Ukrainskaje vybarčaje zakanadaŭstva dosyć liberalnaje. Naziralnikam dazvalajecca sačyć za padlikam hałasoŭ, jaki maje prava ździajśniać tolki adzin siabra kamisii. Jon pavinien uhołas začytvać, za kaho padadzieny biuleteń dy demanctravać jaho naziralnikam, a tyja majuć prava ŭ luby momant prypynić praceduru. Ale na mnohich učastkach hetkaj idylii j blizka nie było.
Poŭny varyjant artykułu hladzicie ŭ hazecie "Naša Niva".
AK
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary